കണ്ണൂര്: ആനയുടെ അസ്ഥികൂടവും അവശനിലയിലായ കുട്ടിയാനയെയും കണ്ടെത്തി. ആറളം ഫാം പ്രദേശത്ത് ആണ് സംഭവം. പെട്രോളിങ്ങിനിടെ വനപാലകസംഘമാണ് ആനയെ കണ്ടത്.
അവശനിലയിലായ ആനക്കുട്ടിയെ ആണ് വനപാലകസംഘം ആദ്യം കണ്ടത്. ഇവിടെ നിന്നും നൂറ് മീറ്ററോളം മാറിയാണ് ആനയുടെ ചിതറിയ നിലയിലുള്ള അസ്ഥികൂടം ഉണ്ടായിരുന്നത്.
ആറളം ഫാം പുനരധിവാസ മേഖലയിലെ ബ്ലോക്ക് 10ലെ കോട്ടപ്പാറയ്ക്ക് സമീപമാണ് അസ്ഥികൂടം കണ്ടെത്തിയത്. ആന കുട്ടിയ്ക്ക് മൂന്ന് വയസ് പ്രായം വരുമെന്നാണ് വിലയിരുത്തല്.
കുട്ടിയാനക്ക് ചികിത്സ നല്കുന്നതിനുള്ള നടപടികള് തുടങ്ങി. തുടര് നടപടികള്ക്കായി വയനാട്ടില്നിന്ന് ഡോ. അരുണ് സഖറിയയുടെ നേതൃത്വത്തിലുള്ള വിദഗ്ധ സംഘം ഇന്ന് ആറളത്തെത്തും.
അതേസമയം, കടുവ പോലുള്ള വന്യജീവിയുടെ ആക്രമണത്തിന് ഇരയായ ആനയുടെ അസ്ഥിക്കൂടമാണോ കണ്ടെത്തിയത് എന്ന് വനം വകുപ്പ് പരിശോധിക്കുകയാണ്.
Discussion about this post