കൊച്ചി: സംസ്ഥാനത്ത് റെക്കോർഡുകൾ ഭേദിച്ച് സ്വര്ണവില കുതിച്ചുയരുന്നു. പവന് ഇന്ന് 1200 രൂപയാണ് ഒറ്റയടിക്ക് വർധിച്ചത്. ഇതോടെ 76,960 രൂപയായി ഒരു പവന് സ്വര്ണത്തിന്റെ വില ഉയർന്നു.
ഗ്രാമിന് 150 രൂപയാണ് വര്ധിച്ചത്. 9620 രൂപയാണ് ഒരു ഗ്രാം സ്വര്ണത്തിന്റെ വില. ഇന്ത്യയില് നിന്ന് ഇറക്കുമതി ചെയ്യുന്ന ഉല്പ്പന്നങ്ങള്ക്ക് അമേരിക്ക 50 ശതമാനം തീരുവ ചുമത്തിയത് അടക്കമുള്ള ഘടകങ്ങളാണ് സ്വര്ണവിലയെ സ്വാധീനിക്കുന്നത്.
ട്രംപ് നയത്തെ തുടര്ന്ന് ഇന്ത്യന് ഓഹരി വിപണി ഇടിവിലാണ്. ഇതോടെ സുരക്ഷിത നിക്ഷേപം എന്ന നിലയില് കൂടുതല് ആളുകള് സ്വര്ണത്തിലേക്ക് തിരിഞ്ഞതാണ് സ്വര്ണവില ഉയരാന് കാരണം.
73,200 രൂപയായിരുന്നു ഈ മാസത്തിന്റെ തുടക്കത്തില് സ്വര്ണവില. ഒരു മാസം കൊണ്ട് 3700 രൂപയാണ് വര്ധിച്ചത്. എട്ടിന് 75,760 രൂപയായിരുന്നു സ്വര്ണവില. പിന്നീട് 20-ാം തീയതി വരെയുള്ള കാലയളവില് 2300 രൂപ താഴ്ന്ന സ്വര്ണവില തുടര്ന്നുള്ള ദിവസങ്ങളില് തിരിച്ചുകയറുന്നതാണ് ദൃശ്യമായത്.
Discussion about this post