ശബരിമല: താഴമണ്മഠം കണ്ഠരര് മഹേഷ് മോഹനര്
ഇന്നുമുതൽ ശബരിമല തന്ത്രി പദവി വഹിക്കും. ഒരുവര്ഷമാണ് പദവി വഹിക്കുന്നത്. ഇന്ന് വൈകീട്ട് അഞ്ചിന് ചിങ്ങമാസ പൂജകള്ക്ക് നട തുറക്കുന്നത് കണ്ഠരര് മഹേഷ് മോഹനരുടെ സാന്നിധ്യത്തിലായിരിക്കും.
ശബരിമലയുടെ താന്ത്രികാവകാശമുള്ള താഴമണ് മഠത്തിലെ രണ്ടു കുടുംബങ്ങളില് നിന്നുള്ളവരാണ് ഓരോ വര്ഷം വീതം ഈ പദവി വഹിക്കുന്നത്. ചിങ്ങപ്പുലരിയില് ഗണപതി ഹോമമാണ് കണ്ഠരര് മഹേഷ് മോഹനരുടെ ആദ്യചടങ്ങ്.
ശനിയാഴ്ച ചിങ്ങമാസപ്പൂജകള് പൂര്ത്തിയാക്കി ഓഗസ്റ്റ് 21ന് രാത്രി പത്തിന് ശബരിമല നടയടയ്ക്കും. അടുത്ത കര്ക്കിടകമാസ പൂജകള്ക്ക് നടതുറക്കുന്നതുവരെയാണ് കണ്ഠരര് മഹേഷ് മോഹനര് തന്ത്രി ചുമതലകള് വഹിക്കുക. തുടര്ന്ന് കണ്ഠരര് രാജീവരും കണ്ഠരര് ബ്രഹ്മദത്തനും ചുമതലകളിലെത്തും.
Discussion about this post