കൊച്ചി: ദേശീയപാതയിലെ പെട്രോള് പമ്പുകളിലെ ശുചിമുറികള് പൊതുജനങ്ങള്ക്ക് തുറന്നു നല്കണമെന്ന് ഹൈക്കോടതി. ദേശീയ പാതയോരങ്ങളിലെ പെട്രോള് പമ്പുകളിലെ ശുചിമുറികള് ആര്ക്ക് എപ്പോള് വേണമെങ്കിലും ഉപയോഗിക്കാമെന്ന് ഹൈക്കോടതി വ്യക്തമാക്കി.
ഉപഭോക്താക്കള്ക്ക് മാത്രമേ പമ്പുകളിലെ ശുചിമുറി ഉപയോഗിക്കാനാകൂ എന്നായിരുന്നു നേരത്തെ ഹൈക്കോടതി പുറപ്പെടുവിച്ച ഉത്തരവ്. ഇതിലാണ് ഭേദഗതി വരുത്തിയത്.
പെട്രോൾ പമ്പുകളിലെ ശുചിമുറികള് പൊതുജനങ്ങള്ക്ക് തുറന്നു നല്കരുതെന്ന ഉത്തരവില് ഭേദഗതി വരുത്തിയാണ് ഉത്തരവ്. സുരക്ഷാവീഴ്ചയുണ്ടെങ്കില് മാത്രമേ ഉപയോഗം തടയാവുവെന്നും ഹൈക്കോടതി ഉത്തരവിട്ടു.
അതേസമയം, പെട്രോള് പമ്പിലെ ശുചിമുറികളില് തദ്ദേശസ്ഥാപനങ്ങളുടെ ബോര്ഡ് വെക്കരുതെന്നും കോടതി നിര്ദേശിച്ചു. പെട്രോളിയം ട്രേഡേഴ്സ് അസോസിയേഷന് നല്കിയ റിട്ട് ഹര്ജിയിലായിരുന്നു ഹൈക്കോടതി ഉത്തരവ്.
Discussion about this post