തിരുവനന്തപുരം: മധ്യ കിഴക്കന് അറബിക്കടലില് കര്ണാടക തീരത്തിന് മുകളിലായി മെയ് 21-ഓടെ ഉയര്ന്ന തോതില് ചക്രവാത ചുഴി രൂപപ്പെട്ട് മെയ് 22-ഓടെ ന്യൂനമര്ദ്ദമായി ശക്തി പ്രാപിക്കാന് സാധ്യതയുണ്ടെന്നു കാലാവസ്ഥാ വകുപ്പിൻ്റെ മുന്നറിയിപ്പ്.
ന്യൂനമര്ദം വടക്കു ദിശയില് സഞ്ചരിച്ച് വീണ്ടും ശക്തി പ്രാപിക്കുമെന്നും മുന്നറിയിപ്പിൽ പറയുന്നു. സംസ്ഥാനത്ത് വരുന്ന ദിവസങ്ങളില് മഴ ശക്തമാകുമെന്ന് കാലാവസ്ഥാ വകുപ്പ് അറിയിച്ചു.
തെക്കന് അറബിക്കടല്, മാലിദ്വീപ്, കന്യാകുമാരി മേഖല, ആന്ഡമാന് കടല്, ആന്ഡമാന് ദ്വീപ്, തെക്കന് ബംഗാള് ഉള്ക്കടല് എന്നിവയുടെ കൂടുതല് ഭാഗങ്ങളിലും ആന്ഡമാന് ദ്വീപുകള്, ആന്ഡമാന് കടല് എന്നിവയുടെ ശേഷിക്കുന്ന ഭാഗങ്ങളിലും കാലവര്ഷം വ്യാപിച്ചതായും കേന്ദ്ര കാലാവസ്ഥ വകുപ്പ് അറിയിച്ചു.
Discussion about this post