തിരുവനന്തപുരം: വിദ്യാർഥികൾക്ക് പ്ലസ് വൺ പ്രവേശനത്തിനുള്ള അപേക്ഷകള് ബുധനാഴ്ച വൈകീട്ട് നാലു മുതല് സമര്പ്പിക്കാം. ഈ മാസം 20നാണ് അപേക്ഷ നൽകാനുള്ള അവസാന തിയതി.
പൊതുവിദ്യാഭ്യാസ വകുപ്പിന്റെ ഹയര്സെക്കന്ഡറി പ്രവേശന വെബ്സൈറ്റായ https;//hscap.kerala.gov.in വഴിയാണ് അപേക്ഷിക്കേണ്ടത്. എല്ലാ ഹൈസ്കൂളിലും ഹയര് സെക്കന്ഡറി സ്കൂളിലും ഹെല്പ് ഡെസ്ക് പ്രവര്ത്തിക്കും.
ട്രയല് അലോട്ട്മെന്റ് 24ന് നടക്കും. ജൂണ് രണ്ടിനാണ് ആദ്യ അലോട്ട്മെന്റ്. 10ന് രണ്ടാം അലോട്ട്മെന്റും 16ന് മൂന്നാം അലോട്ട്മെന്റും നടക്കും.ജൂണ് 18ന് ക്ലാസുകള് ആരംഭിക്കും.
അതിന് ശേഷം പുതിയ അപേക്ഷകള് ക്ഷണിച്ച് സപ്ലിമെന്ററി അലോട്ട്മെന്റിലൂടെ ഒഴിവുകള് നികത്തും. ജൂലൈ 23ന് പ്രവേശന നടപടി അവസാനിക്കും.
Discussion about this post