തിരുവനന്തപുരം:ആശ വര്ക്കര്മാര് സെക്രട്ടറിയേറ്റിന് മുന്നില് നടത്തി വന്ന നിരാഹാര സമരം അവസാനിപ്പിച്ചു. 43-ാം ദിവസമാണ് റിലേ നിരാഹാര സമരം അവസാനിപ്പിക്കുന്നത്.
വേതനവര്ധന അടക്കം ആവശ്യപ്പെട്ടുകൊണ്ടായിരുന്നു സമരം. രാപകല് സമര യാത്ര ആരംഭിക്കുന്ന സാഹചര്യത്തിലാണ് നിരാഹാര സമരം അവസാനിപ്പിക്കാൻ തീരുമാനം.
മെയ് അഞ്ച് മുതല് ജൂണ് 17 വരെ കാസര്കോട് മുതല് തിരുവനന്തപുരം വരെയാണ് രാപകല് സമരയാത്ര നടത്തുന്നത്. എല്ലാ ജില്ലകളിലും രണ്ട് സമരപന്തല് ഒരുക്കിയാണ് സമരയാത്ര.
അതേസമയം സെക്രട്ടറിയേറ്റിന് മുന്നിലെ രാപകല് സമരം തുടരുമെന്ന് സമരക്കാര് അറിയിച്ചു.
Discussion about this post