തൃശൂര്: തൃശ്ശൂര് അതിരപ്പിള്ളിയില് കാട്ടാന കബാലിയുടെ ആക്രമണം. കാട്ടുകൊമ്പന്റെ ആക്രമണത്തില് നിന്നും വിനോദ സഞ്ചാരികള് തലനാരിഴയ്ക്കാണ് രക്ഷപ്പെട്ടത്.
ഇന്നലെ വൈകീട്ട് അമ്പലപ്പാറ പെന്സ്റ്റോക്കിന് സമീപത്തുവെച്ചായിരുന്നു സംഭവം. പിറവത്തു നിന്ന് മലക്കപ്പാറയിലേക്ക് പോയിരുന്ന വിനോദസഞ്ചാരികളുടെ കാറാണ് ആക്രമിച്ചത്.
കാട്ടാന കാറിന്റെ ബോണറ്റിനു കേടുപാടുകള് വരുത്തി. ആക്രമണ സമയത്ത് കാറിനകത്ത് വിനോദസഞ്ചാരികള് ഉണ്ടായിരുന്നെങ്കിലും അപകടം കൂടാതെ രക്ഷപ്പെട്ടു. വാഹനങ്ങള് ആക്രമിച്ച ശേഷം ആന റോഡില് നിലയുറപ്പിച്ചതോടെ നിരവധി വാഹനങ്ങളാണ് വഴിയില് കുടുങ്ങിക്കിടന്നത്.
വിവരമറിഞ്ഞ് മലക്കപ്പാറ പൊലീസും വനംവകുപ്പും എത്തി ആനയെ തുരത്തിയാണ് ഗതാഗതം പുനഃസ്ഥാപിച്ചത്.
Discussion about this post