തിരുവനന്തപുരം: വയനാട് ഉരുള്പൊട്ടല് ദുരന്തത്തില് വീടും ഭൂമിയും നഷ്ടമായവരുടെ പുനരധിവാസം ചര്ച്ച ചെയ്യാന് ഇന്ന് പ്രത്യേക മന്ത്രിസഭാ യോഗം. വീടുകള് നിര്മ്മിക്കാന് സന്നദ്ധത അറിയിച്ചവരുമായി സര്ക്കാര് അടുത്ത ദിവസം ചര്ച്ച നടത്തും.
ഇന്ന് വൈകീട്ട് 3 മണിക്ക് ഓണ്ലൈനായാണ് മന്ത്രിസഭായോഗം. ടൗണ്ഷിപ്പ് നിര്മ്മാണം എങ്ങനെ വേണം എന്നതിലും ആരെ ഏല്പിക്കുമെന്നതിലും തീരുമാനമെടുക്കും. ചര്ച്ചകള്ക്ക് ചീഫ് സെക്രട്ടറി ശാരദ മുരളീധരനെ ചുമതലപ്പെടുത്തി.
കൂടാതെ വീട് നിര്മ്മിക്കാന് സര്ക്കാര് കണ്ടെത്തിയ നെടുമ്പാല എസ്റ്റേറ്റിന്റെയും എല്സ്റ്റോണ് എസ്റ്റേറ്റിന്റയും ഉടമകള് ഹൈക്കോടതിയെ സമീപിച്ചിട്ടുണ്ട്. ഇതിലെ നിയമപരിഹാരം കണ്ടെത്തലിലും തീരുമാനമെടുക്കും.
പുനരധിവാസത്തിന് സഹായം വാഗ്ദാനം ചെയ്ത കര്ണാടക, തെലങ്കാന സര്ക്കാരുകള്, വ്യക്തികള്, സംഘടനകള് എന്നിവരെ മുഖ്യമന്ത്രി നേരില് കാണും.
Discussion about this post