തൃശൂര്: ഡയറി എഴുതിയില്ലെന്ന് ആരോപിച്ച് തൃശൂരില് അഞ്ച് വയസുകാരന് ക്ലാസ് ടീച്ചറുടെ ക്രൂര മര്ദനം. തൃശൂര് കുര്യച്ചിറ സെന്റ് ജോസഫ് യുപി സ്കൂളിലാണ് സംഭവം. ക്ലാസ് ടീച്ചറായ സെലിനാണ് കുട്ടിയുടെ ഇരു കാല്മുട്ടിനും താഴെ ക്രൂരമായി തല്ലിയത്. രക്ഷിതാക്കളുടെ പരാതിയില് നെടുപുഴ പോലീസ് കേസെടുത്തു.
അതേസമയം, സംഭവം നടന്ന് ഒരാഴ്ചയായിട്ടും അധ്യാപികയെ പോലീസ് അറസ്റ്റ് ചെയ്തിട്ടില്ലെന്ന ആക്ഷേപവും ഉയരുന്നുണ്ട്. സ്കൂള് മാനേജ്മെന്റിന്റെ സ്വാധീനത്തിന് വഴങ്ങിയാണ് അധ്യാപികയെ അറസ്റ്റ് ചെയ്യാതിരിക്കുന്നതെന്നാണ് രക്ഷിതാവ് ആരോപിക്കുന്നത്.
സ്കൂള് മാനേജ്മെന്റ് ഒത്തുതീര്പ്പിനായി ശ്രമിച്ചെന്നും താന് വഴങ്ങിയില്ലെന്നും രക്ഷിതാവ് പറഞ്ഞു. അധ്യാപിക ഒളിവില് ആണെന്നാണ് നെടുപുഴ പോലീസ് വിശദീകരിക്കുന്നത്. അതേസമയം, അധ്യാപികയെ സസ്പെന്ഡ് ചെയ്തെന്ന് സ്കൂള് അധികൃതര് അറിയിച്ചു.
Discussion about this post