തൊടുപുഴ: കത്തിക്കരിഞ്ഞ നിലയില്‍ വയോധികന്റെ മൃതദേഹം കണ്ടെത്തി. ഇടുക്കി മാങ്കുളം അമ്പതാംമൈലിലാണ് സംഭവം. പാറേക്കുടി തങ്കച്ചന് ആണ് മരിച്ചത്. അറുപത് വയസ്സായിരുന്നു.
കൊലപാതകമെന്ന സംശയത്തില്‍ പൊലീസ് അന്വേഷണം ആരംഭിച്ചു. കഴിഞ്ഞ ദിവസം രാവിലെ എട്ടുമണിയോടെയായിരുന്നു സംഭവം. മൃതദേഹം കത്തിക്കരിഞ്ഞ നിലയിലായിരുന്നു.
നാട്ടുകാരാണ് വിവരം പോലീസിനെ അറിയിച്ചത്. മകനുമായി തങ്കച്ചന് ചില പ്രശ്നങ്ങള്‍ ഉണ്ടായിരുന്നു.ഇന്നലെ വൈകീട്ടോടെ മകന്‍ വീട്ടില്‍ വരികയും അച്ഛനുമായി ചില പ്രശ്നങ്ങള്‍ ഉണ്ടായതായുമാണ് നാട്ടുകാര്‍ പറയുന്നത്.
സംഭവത്തിന് പിന്നാലെ ഫോണ്‍ സ്വിച്ച് ഓഫ് ചെയ്ത് ഒളിവില്‍ പോയ മകന്‍ കസ്റ്റഡിയിലുണ്ടെന്നാണ് സൂചന. പൊലീസ് ഇയാളെ ചോദ്യം ചെയ്ത് വരുന്നതായാണ് വിവരം.
Discussion about this post