കട്ടപ്പന: സ്ഥിരമായി കൈക്കൂലി വാങ്ങിക്കുന്നു എന്ന പരാതി ഉയര്ന്ന സബ് രജിസ്ട്രാര് ഓഫീസിലെ സീനിയര് ക്ലാര്ക്കിനെ സസ്പെന്ഡ് ചെയ്തു. കട്ടപ്പന സബ് രജിസ്ട്രാര് ഓഫിസിലെ സീനിയര് ക്ലര്ക്ക് എസ് കനകരാജിനെയാണ് സസ്പെന്ഡ് ചെയ്തത്.
കൈക്കൂലി വാങ്ങിയതായി കണ്ടെത്തിയതിനെ തുടര്ന്നാണ് ഇയാള്ക്കെതിരെ നടപടി ഉണ്ടായിരിക്കുന്നത്. നേരത്തെ സബ് രജിസ്ട്രാര് ഓഫിസിലെ ഉദ്യോഗസ്ഥര് കൈക്കൂലി വാങ്ങുന്നുവെന്ന പരാതിയില് വിജിലന്സ് പരിശോധന നടത്തിയിരുന്നു. ഇതിനെ തുടര്ന്ന് അധിക പണം ഓഫീസില് നിന്നും കണ്ടെടുത്തതിന് പിന്നാലെയാണ് നടപടി.
പേഴ്സനല് കാഷ് ഡിക്ലറേഷന് രജിസ്റ്ററില് രേഖപ്പെടുത്തിയതിനേക്കാള് തുകയാണ് പരിശോധനയില് കണ്ടെത്തിയത്. അന്ന് 3470 രൂപയാണ് കനകരാജില്നിന്ന് വിജിലന്സ് സംഘം പിടിച്ചെടുത്തത്.
Discussion about this post