മലപ്പുറം: ഫേസ്ബുക്ക് പോസ്റ്റിനു താഴെ മൂരി അന്വര് എന്നുവിളിച്ചു പരിഹസിച്ച വ്യക്തിക്ക് മാസ് മറുപടി നല്കി പിവി അന്വര് എംഎല്എ. മഴയത്ത് കുട ചൂടി പാര്ലമെന്റിലെത്തി മാധ്യമങ്ങളെ കണ്ട മോഡിയുടെ ചിത്രത്തെ പരിഹസിച്ചു കൊണ്ട് അന്വര് ഫേസ്ബുക്കില് പങ്കുവെച്ച പോസ്റ്റിന് കീഴിലായിരുന്നു അന്സാരി എന്ന യുവാവ് മൂരി എന്ന അധിക്ഷേപവുമായി എത്തിയത്.
‘മോഡി ഒറ്റയ്ക്ക് കുടപിടിക്കുന്നത് മാത്രം കാണുന്ന, ദിവസവും പെട്രോളിനും ഡീസലിനും വില കൂട്ടി സാധാരണക്കാരുടെ കഴുത്തിന് പിടിക്കുന്നത് മാത്രം കാണാത്ത..പ്രത്യേക തരം കണ്ണടയാണ് ഈ കഴുത ധരിച്ചിരിക്കുന്നത്,’ എന്നായിരുന്നു എംഎല്എ പങ്കുവെച്ച കുറിപ്പ്.
‘മൂരി അന്വറിന് നല്ല മാച്ചാണ് ഇത്’ എന്നായിരുന്നു ചിത്രത്തിന്റെ കീഴെ അന്സാരി മുതുവല്ലൂരിന്റെ കമന്റ്. ‘കള്ളാ എം.എല്.എ. തന്തയ്ക്ക് വിളിച്ചൂന്ന് പറഞ്ഞ് വൈറലാകാനല്ലേ! അങ്ങനിപ്പം സുഖിക്കണ്ട’, എന്നാണ് അന്വര് മറുപടി നല്കിയത്.
മഴയത്ത് സ്വയം കുട പിടിച്ച് പാര്ലമെന്റിലെത്തി മാധ്യമങ്ങളെ കാണുന്ന പ്രധാനമന്ത്രിയുടെ ചിത്രം സോഷ്യല് മീഡിയയില് പ്രചരിച്ചിരുന്നു. ഇതിന് പിന്നാലെ സംവിധായകന് പ്രിയദര്ശന് അടക്കമുള്ളവര് മോഡിയെ പുകഴ്ത്തിയും രംഗത്ത് വന്നിരുന്നു. പിന്നാലെയാണ് അന്വറിന്റെ കുറിപ്പ്.
Discussion about this post