തിരുവനന്തപുരം: കൊവിഡ് രണ്ടാം തരംഗത്തിന്റെ ഭീതിയിലാണ് സംസ്ഥാനം. ദിനം പ്രതി കൊവിഡ് രോഗികളുടെ എണ്ണം കുതിച്ചുയരുകയാണ്. ഇന്നലെ എണ്ണായിരത്തിലധികം ആളുകള്ക്കാണ് രോഗം സ്ഥിരീകരിച്ചത്. രോഗവ്യപനം ഉയരുന്ന പശ്ചാത്തലത്തില് സംസ്ഥാനം കൂടുതല് നിയന്ത്രണങ്ങളിലേക്ക് നീങ്ങുന്നു.
പൊതുപരിപാടികളില് പങ്കെടുക്കുന്നവരുടെ എണ്ണത്തില് വീണ്ടും നിയന്ത്രണം ഏര്പ്പെടുത്തി. പരമാവധി 50 മുതല് 100 പേര് വരെ മാത്രമേ ഇനി പൊതുപരിപാടികളില് പങ്കെടുക്കാവൂ. ഷോപ്പിംഗ് മാളുകളില് പ്രവേശിക്കാന് ആര്ടിപിസിആര് ടെസ്റ്റ് ചെയ്യണം. കൂടാതെ വാക്സീന് രണ്ട് ഡോസും എടുത്തവര്ക്കും പ്രവേശിക്കാം.
മുഖ്യമന്ത്രിയുടെ നേതൃത്വത്തില് നടന്ന ഓണ്ലൈന് യോഗത്തിലാണ് നിയന്ത്രണങ്ങള് കടുപ്പിക്കാന് തീരുമാനിച്ചത്. വിവിധ വകുപ്പ് മന്ത്രിമാരും ആരോഗ്യവിദഗ്ധരും ആരോഗ്യവകുപ്പിലെ ഉന്നത ഉദ്യോഗസ്ഥരും ജില്ലാ കളക്ടര്മാരും ഉന്നതേപാലീസ് ഉദ്യോഗസ്ഥരും യോഗത്തില് പങ്കെടുത്തു.
കൂടാതെ കൊവിഡ് പരിശോധന കൂട്ടാനും തീരുമാനിച്ചു. രണ്ടരലക്ഷം പേര്ക്ക് നാളെയും മറ്റന്നാളുമായി കൊവിഡ് പരിശോധന നടത്താനാണ് തീരുമാനം. സംസ്ഥാനത്ത് കൂടുതല് വാക്സീന് എത്തിക്കണമെന്ന് കേന്ദ്രസര്ക്കാരിനോട് ആവശ്യപ്പെടാനും മുഖ്യമന്ത്രിയുടെ അധ്യക്ഷതയില് ചേര്ന്ന ഓണ്ലൈന് യോഗത്തില് തീരുമാനമായി.
വാക്സീന് കിട്ടുന്ന മുറയ്ക്ക് മെഗാ വാക്സിനേഷന് ക്യാമ്പുകള് വിപുലീകരിക്കും. രോഗികളുടെ എണ്ണം കൂടുന്ന സാഹചര്യത്തില് സംസ്ഥാനത്തെ ആശുപത്രികളിലെ തീവ്രപരിചരണവിഭാഗങ്ങളില് കൂടുതല് കിടക്കകള് സജ്ജീകരിക്കാനും ധാരണയായി.
യോഗത്തില് എടുത്ത തീരുമാനങ്ങള്
• കണ്ടെയ്ന്മെന്റ് സോണുകളില് കര്ശനമായ നിയന്ത്രണം തുടരണം.
• സംസ്ഥാനത്ത് വിവാഹം,ഗൃഹപ്രവേശം, പൊതുപരിപാടികള്, എന്നിവയ്ക്ക് ഇനി മുന്കൂര് അനുമതി വേണം.
• കൊവിഡ് നെഗറ്റീവ് സര്ട്ടിഫിക്കറ്റ് ഉളളവര്ക്ക് മാത്രമായിരിക്കും മാളിലും മാര്ക്കറ്റിലും പ്രവേശനം. നിര്ദേശം പാലിക്കുന്നുണ്ടെന്ന് പോലീസ് ഉറപ്പുവരുത്തണം.
• സ്കൂള് കുട്ടികള്ക്ക് ബസ് സൗകര്യം കൃത്യമായി ഏര്പ്പെടുത്താന് നിര്ദേശം.
• ട്യൂഷന് സെന്ററുകളില് ജാഗ്രത പുലര്ത്തണം.
Discussion about this post