കൊച്ചി: ക്ഷേത്രഭണ്ഡാരത്തില് മീന് നിക്ഷേപിച്ചതായി പരാതി. എറണാകുളം ജില്ലയിലാണ് സംഭവം. കോലഞ്ചേരിയിലെ തോന്നിക്ക മഹാദേവ ക്ഷേത്രത്തിലെ ഭണ്ഡാരത്തിലാണ് സാമൂഹിക വിരുദ്ധര് മീന് നിക്ഷേപിച്ചത്. സാമുദായിക സ്പര്ധ വളര്ത്തുക എന്ന ലക്ഷ്യത്തോടെയാണ് ഇത്തരം പ്രവൃത്തി ചെയ്തതെന്ന് ക്ഷേത്രഅധികൃതര് പരാതിയില് പറയുന്നു.
റോഡകരിലാണ് ക്ഷേത്രത്തിലെ ഭണ്ഡാരപ്പെട്ടി. വിസ്തൃതമായതിനാല് പണത്തിന് പുറമെ വിലയേറിയ വസ്തുക്കളും വിശ്വാസികള് നിക്ഷേപിക്കാറുണ്ട്. ആശുപത്രിയ്ക്ക് സമീപമായതിനാല് ധാരാളം ആളുകളും സമീപത്തുണ്ടാകാറുണ്ട്. ഭണ്ഡാരപ്പെട്ടിയില് നിന്ന് ദുര്ഗന്ധം വമിച്ചതോടെയാണ് അധികൃതര് പരിശോധിച്ചത്.
ഭണ്ഡാരപ്പെട്ടി തുറന്നപ്പോള് അഴുകിയ മത്സ്യങ്ങള് കാണുകയായിരുന്നു. സംഭവത്തില് ക്ഷേത്രം അധികൃതര് പോലീസില് പരാതി നല്കി. ഇതിന് പിന്നില് ആരാണെന്ന് വ്യക്തമല്ല. എന്നാല് ക്ഷേത്രത്തിന്റെ പവിത്രത നശിപ്പിക്കാനും അതുവഴി സാമുദായിക സ്പര്ധ വളര്ത്തുകയുമാണ് ലക്ഷ്യമെന്ന് ക്ഷേത്രം അധികൃതര് പറഞ്ഞു.
അടുത്തുള്ള ആശുപത്രിയിലെ സിസി ടിവി ദൃശ്യങ്ങള് പരിശോധിച്ചാല് പ്രതികളെ പിടികൂടാനാവുമെന്നും അധികൃതര് വ്യക്തമാക്കി. ക്ഷേത്രം അധികൃതരുടെ പരാതിയില് പൊലീസ് അന്വേഷണം ആരംഭിച്ചു. ഗ്രാമപ്രദേശമായതിനാല് സിസി ടിവി ദൃശ്യങ്ങള് ലഭിക്കുക ദുഷ്കരമാണെന്ന് പോലീസ് പറഞ്ഞു.
Discussion about this post