കോട്ടയം: മഹാത്മാ ഗാന്ധി സര്വകലാശാല പരീക്ഷകള് മെയ് 26 മുതല് പുനരാരംഭിക്കും. വിദ്യാര്ഥികള്ക്ക് അവര് നിലവില് താമസിക്കുന്ന ജില്ലയില്ത്തന്നെ പരീക്ഷ എഴുതാം. സര്വകലാശാലയുടെ പരിധിയിലുള്ള അഞ്ച് ജില്ലകള്ക്ക് പുറമെ മറ്റ് ജില്ലകളില് പത്ത് പരീക്ഷകേന്ദ്രങ്ങള് തുറക്കും. അതത് ജില്ലയില് താമസിക്കുന്നവര്ക്ക് ഇത്തരം കേന്ദ്രങ്ങളില് പരീക്ഷയെഴുതാം.
അതത് ജില്ലകളിലെ പരീക്ഷകേന്ദ്രങ്ങളില് പരീക്ഷയെഴുതാനാഗ്രഹിക്കുന്നവര്ക്ക് മെയ് 21ന് ഉച്ചകഴിഞ്ഞ് രണ്ടുമുതല് സര്വകലാശാല വെബ്സൈറ്റിലൂടെ ഓണ്ലൈനായി രജിസ്റ്റര് ചെയ്യാം. കേരളത്തിലേക്ക് എത്താനാവാതെ ലക്ഷദ്വീപില് കഴിയുന്ന വിദ്യാര്ഥികള്ക്കായി അവിടെയും പരീക്ഷകേന്ദ്രം തുറക്കും.
ആറാം സെമസ്റ്റര് യു.ജി. പരീക്ഷകള് മെയ് 26, 27, 28, 29 തീയതികളിലാണ് നടക്കുക. ജൂണ് 2, 3, 4 തീയതികളിലായി പ്രാക്ടിക്കല് പരീക്ഷകളും പൂര്ത്തിയാക്കും. ആരോഗ്യവകുപ്പിന്റെയും സര്ക്കാരിന്റെയും നിര്ദേശങ്ങള് പാലിച്ചാണ് പരീക്ഷ നടത്തിപ്പ്. സാമൂഹിക അകലമടക്കം പാലിച്ചാകും പരീക്ഷ.
Discussion about this post