തിരുവനന്തപുരം: പൗരത്വ ഭേദഗതി നിയമത്തിനെതിരായ പ്രക്ഷോഭത്തില് രാജ്യം ഒന്നിക്കണമെന്ന് കോണ്ഗ്രസ് പ്രവര്ത്തക സമിതിയംഗം എകെ ആന്റണി. യുഡിഎഫ്-എല്ഡിഎഫ് എന്നല്ല, എല്ലാം മറന്ന് ഒന്നിക്കണമെന്നും അദ്ദേഹം ആഹ്വാനം ചെയ്തു.
ഭരണഘടന തകര്ക്കുകയാണ് ആര്എസ്എസ് ലക്ഷ്യം. ആര്എസ്എസിനെതിരെ നിലപാടുള്ള എല്ലാവരും പൗരത്വ ഭേദഗതി നിയമത്തിനെതിരായ പ്രക്ഷോഭത്തില് ഒരുമിക്കണം. നിസംഗരായി ഇരിക്കുന്നവരും സമരത്തില് പങ്കുചേരണമെന്നും എകെ ആന്റണി പറഞ്ഞു.
ജാതിയും മതവും പാര്ട്ടിയും മറന്നുള്ള യോജിപ്പ് കാണുന്നില്ലെന്നും അദ്ദേഹം കൂട്ടിച്ചേര്ത്തു. സംസ്കാര സാഹിതിയുടെ കാവല് യാത്ര തിരുവനന്തപുരം ഗാന്ധി പാര്ക്കില് ഉദ്ഘാടനം ചെയ്ത് സംസാരിക്കുകയായിരുന്നു എകെ ആന്റണി.
Discussion about this post