കോട്ടയം: പാല ഉപതെരഞ്ഞെടുപ്പില്‍ യുഡിഎഫ് സ്ഥാനാര്‍ത്ഥി പരാജയപ്പെട്ടതിന് പിന്നാലെ യുഡിഎഫിനെ ട്രോളി മന്ത്രി എംഎം മണി. ‘സിക്‌സര്‍ അടിക്കാന്‍ വന്നതാ.. യുഡിഎഫിന്റെ മെക്കയില്‍ തന്നെ ഡക്ക് ആയി’എന്ന് മന്ത്രി പരിഹസിച്ചു. ഉപതിരഞ്ഞെടുപ്പ് നടക്കാന്‍ പോവുന്ന പാലാ അടക്കമുള്ള 6 മണ്ഡലങ്ങളിലും വിജയിച്ച് യുഡിഎഫ് സിക്‌സര്‍ അടിക്കുമെന്ന കെപിസിസി പ്രസിഡന്റ് മുല്ലപ്പള്ളി രാമചന്ദ്രന്റെ പ്രസ്താവനയുമായി ബന്ധപ്പെടുത്തിയായിരുന്നു എംഎം മണിയുടെ ട്രോള്‍. ഫേസ്ബുക്കിലൂടെയായിരുന്നു മന്ത്രിയുടെ ട്രോള്‍.
എല്‍ഡിഎഫ് ആണ് ശരി. ജനഹൃദയങ്ങളില്‍ നിന്ന് പിന്തുണ ഉറപ്പിച്ച് ഇടതുപക്ഷ സര്‍ക്കാര്‍ മുന്നോട്ട്. മാണി സി കാപ്പനെ വിജയിപ്പിച്ച എല്ലാവര്‍ക്കും നന്ദി’ പറയുന്നുവെന്നും എംഎ മണി ഫേസ്ബുക്കില്‍ കുറിച്ചു.
Discussion about this post