ഹൈദരാബാദ്; ആന്ധ്ര മുന് മുഖ്യമന്ത്രി ചന്ദ്രബാബു നായിഡുവിന് വീണ്ടും തിരിച്ചടി. ടിഡിപിയുടെ ഒരു നേതാവ് കൂടി ബിജെപിയിലേക്ക് ചേക്കേറി. ടിഡിപി വക്താവായ ലങ്കാ ദിനകറാണ് ബിജെപിയിലേക്ക് ചേക്കേറിയത്. ബിജെപി വര്ക്കിംഗ് പ്രസിഡന്റ് ജെപി നദ്ദയില് നിന്നാണ് ലങ്കാ അംഗത്വം സ്വീകരിച്ചത്.
കഴിഞ്ഞ തെരഞ്ഞെടുപ്പില് തിരിച്ചടി നേരിട്ടതിന് പിന്നാലെ ടിഡിപിയില് നിന്ന് നാല് രാജ്യസഭാ എംപിമാരും ഒരു മുന് എംഎല്എയുമാണ് ബിജെപിയിലേക്ക് ചേക്കേറിയത്. കൂടാതെ തെരഞ്ഞെടുപ്പില് തിരിച്ചടി നേരിട്ടതിന് പിന്നാലെ പാര്ട്ടിയുടെ ഭൂരിപക്ഷം എംഎല്എമാരും മറ്റ് പാര്ട്ടികളിലേക്ക് ചേക്കേറിയെക്കും എന്ന് സൂചനയുണ്ട്.
നിലവില് 23 എംഎല്എമാരാണ് ടിഡിപിക്ക് ഉള്ളത്.
ചന്ദ്രബാബു നായിഡുവുമായി അഭിപ്രായ വ്യത്യാസമുള്ള കൂടുതല് ടിഡിപി നേതാക്കളുമായി ബിജെപി ചര്ച്ച നടത്തിയെന്നാണ് സൂചന. എന്ഡിഎയില് നിന്ന് പുറത്ത് വന്നത് ചന്ദ്രബാബു ചെയ്ത വലിയ തെറ്റാണെന്നാണ് ചില നേതാക്കള് വിലയിരുത്തുന്നത്.
Discussion about this post