ഇന്ത്യന് വ്യോമസേന പാക് അധീന കാശ്മീരിലെ ഭീകര താവളം തകര്ത്ത വിഷയം ഏറ്റെടുത്ത് ട്രോളന്മാര്. ഇന്ന് പുലര്ച്ചെ മൂന്നരയോടെ 12 മിറാഷ് 2000 വിമാനങ്ങള് ഉപയോഗിച്ച് 1000 കിലോ ബോംബ് ഭീകര കേന്ദ്രങ്ങളില് വര്ഷിക്കുകയായിരുന്നു. ജെയ്ഷെ ക്യാമ്പുകളും കണ്ട്രോള് റൂമുകളും വ്യോമസേന ആക്രമണത്തില് തകര്ത്തു. 200 ഭീകരര് ആക്രമണത്തില് കൊല്ലപ്പെട്ടെന്ന് റിപ്പോര്ട്ട് ഉണ്ട്.
ഇന്ത്യക്കെതിരെ ആക്രമണം നടത്താന് ജെയ്ഷെ ഭീകരര് ലക്ഷ്യമിടുന്നുവെന്ന കൃത്യമായ രഹസ്യവിവരത്തിന്റെ അടിസ്ഥാനത്തിലാണ് വ്യോമസേന ആക്രമണം നടത്തിയത്. ഈ മാസം 14ാം തീയതിയായിരുന്നു പുല്വാമയില് ഭീകരാക്രമണം നടന്നത്. സിആര്പിഎഫ് വാഹനത്തിന് നേരെ ആര്ഡിഎക്സ് നിറച്ച വാഹനം ചാവേര് ഓടിച്ചു കയറ്റുകയായിരുന്നു. അന്ന് 40 ജവാന്മാര്ക്ക് ജീവന് നഷ്ടമായി.
ഇന്ത്യ നല്കിയ തിരിച്ചടിക്ക് വ്യോമസേനയെ അഭിനന്ദിച്ച് രാഹുല് ഗാന്ധിയും ശശി തരൂരും ഉള്പ്പെടെ ധാരാളം പേര് രംഗത്തെത്തി. ട്രോളന്മാരും വിഷയം ഏറ്റെടുത്തിരിക്കുകയാണ്. സമൂഹമാധ്യമങ്ങള് നിറയെ ഭീകരര്ക്കും ഇമ്രാന് ഖാനുമെതിരെയുള്ള ട്രോളുകളാണ്.
ട്രോളുകള് കാണാം…
Discussion about this post