ഭോപ്പാല്: മദ്യലഹരിയില് സ്കൂളിലെത്തിയ അധ്യാപകന് സസ്പെന്ഷന്. മധ്യപ്രദേശിലെ ജബല്പൂരിലാണ് സംഭവം. രാജേന്ദ്ര നേതം എന്ന അധ്യാപകനെയാണ് സസ്പെന്ഡ് ചെയ്തത്.
വിദ്യാര്ഥികളുടെയും രക്ഷിതാക്കളുടെയും പരാതിയെ തുടര്ന്നായിരുന്നു നടപടി. കഴിഞ്ഞ ദിവസമായിരുന്നു രാജേന്ദ്ര മദ്യപിച്ച് സ്കൂളിലെത്തിയത്. എഴുന്നേറ്റ് നില്ക്കാന് പോലും സാധിക്കാത്ത അവസ്ഥയിലായിരുന്നു രാജേന്ദ്ര.
ഇയാള് മദ്യലഹരിയില് സ്കൂള് പരിസരത്ത് ഇരിക്കുന്നത് വിദ്യാര്ഥികളിലൊരാള് മൊബൈലില് പകര്ത്തിയിരുന്നു. ഈ വീഡിയോ സോഷ്യല്മീഡിയയില് വൈറലായിരുന്നു. ഇതോടെയാണ് രക്ഷിതാക്കള് പരാതി നല്കിയത്.
എന്നാല് തുടക്കത്തില് ഇയാള്ക്കെതിരെ സ്കൂള് അധികൃതര് നടപടി സ്വീകരിച്ചില്ല. ഇതോടെ ചില വിദ്യാര്ത്ഥികള് സ്കൂളില് വരുന്നത് നിര്ത്തിയിരുന്നു. പിന്നാലെ വീഡിയോ വിദ്യാഭ്യാസ വകുപ്പിന്റെ ശ്രദ്ധയില്പ്പെട്ടതോടെയായിരുന്നു അധ്യാപകനെതിരെ നടപടി.
also read:കേരളത്തില് കാന്സര് രോഗികള് പെരുകുന്നു, ആശങ്ക
നേരത്തെയും ഇയാള് സ്കൂളില് മദ്യപിച്ചെത്തിയിരുന്നുവെന്ന് പരാതികള് ഉയര്ന്നിരുന്നു. അധ്യാപകനെ സസ്പെന്ഡ് ചെയ്തതായി ജബല്പൂര് കളക്ടറും മാധ്യമങ്ങളോട് പറഞ്ഞു.
Discussion about this post