ന്യൂഡല്ഹി: രണ്ടാം മോഡി സര്ക്കാരിന്റെ അവസാന ബജറ്റ് അവതരണം ഇന്ന്. ധനമന്ത്രി നിര്മ്മല സീതാരാമന് ബജറ്റ് അവതരിപ്പിക്കും. ലോക്സഭ തെരഞ്ഞെടുപ്പ് ആസന്നമായ സാഹചര്യത്തില് ഇടക്കാല ബജറ്റാകും അവതരിപ്പിക്കുക.
തെരഞ്ഞെടുപ്പിനുശേഷം വരുന്ന സര്ക്കാരാകും പൂര്ണ ബജറ്റ് അവതരിപ്പിക്കുക. വരാനിരിക്കുന്ന തെരഞ്ഞെടുപ്പ് കണക്കിലെടുത്ത് ബജറ്റില് നിരവധി ജനപ്രിയ പ്രഖ്യാപനങ്ങള് ഉണ്ടായേക്കുമെന്നാണ് സൂചന.
ഇന്ന് രാവിലെ 11 മണിക്കാണ് ബജറ്റ് അവതരണം. ആദായ നികുതിയിളവ് , കര്ഷകരെയും വനിതകളെയും ലക്ഷ്യമിട്ടുള്ള പ്രഖ്യാപനങ്ങള് അടക്കമുള്ളവ ബജറ്റില് ഉണ്ടായേക്കുമെന്നാണ് പ്രതീക്ഷിക്കപ്പെടുന്നത്.
വനിതാസംവരണം ഉള്പ്പെടെ നാരീശക്തി മുദ്രാവാക്യമുയര്ത്തുന്ന സര്ക്കാര്, സ്ത്രീകള്ക്കുള്ള വിവിധ ആനുകൂല്യങ്ങള് പ്രഖ്യാപിക്കാന് ഇടയുണ്ട്.
Discussion about this post