ബെംഗളൂരു: സുഹൃത്തിന് ഭാര്യയുമായി അവിഹിതബന്ധമുണ്ടെന്ന സംശയത്തെ തുടർന്ന് സുഹൃത്തിന്റെ കഴുത്തറത്ത് രക്തം കുടിച്ച് യുവാവിന്റെ ക്രൂരത. കർണാടകയിലെ ചിക്കബല്ലപുരിലാണ് സംഭവം. തന്റെ ഭാര്യയ്ക്ക് സുഹൃത്ത് മാരേഷുമായി അവിഹിത ബന്ധമുണ്ടെന്ന സംശയത്തെ തുടർന്ന് വിജയ് എന്നയാൾ സുഹൃത്ത് മാരേഷിന്റെ കഴുത്തറുത്തത്.
സംഭവത്തിന് പിന്നാലെ വിജയിയെ പോലീസ് കസ്റ്റഡിയിൽ എടുത്തു. ഇയാൾക്കെതിരേ കൊലപാതകശ്രമത്തിന് കെഞ്ചർലഹള്ളി പോലീസ് കേസ് രജിസ്റ്റർ ചെയ്തിട്ടുണ്ട്. മാരേഷ് ആശുപത്രിയിൽ ചികിത്സയിൽ തുടരുകയാണ്. മാരേഷിനെ വിജയ് ആക്രമിക്കുന്നതിന്റെ ദൃശ്യങ്ങൾ പുറത്തെത്തിയിട്ടുണ്ട്.
തന്റെ ഭാര്യയുമായി മാരേഷിന് അവിഹിതബന്ധമുണ്ടെന്ന് വിജയ് സംശയിച്ചിരുന്നു. തുടർന്ന് തന്നെ വന്നുകാണാൻ മാരേഷിനോട് വിജയ് ആവശ്യപ്പെട്ടു. ഇരുവരും കാണുകയും സംസാരം വാക്കുതർക്കത്തിലേക്കും ആക്രമണത്തിലേക്കും നീളുകയുമായിരുന്നു.
ALSO READ- മകള് എംബിബിഎസുകാരിയായി, നേട്ടം ഡോ. വന്ദനയ്ക്ക് സമര്പ്പിച്ച് നടന് ബൈജു സന്തോഷ്
വിജയ്, മൂർച്ചയുള്ള ആയുധം ഉപയോഗിച്ചാണ് മാരേഷിന്റെ കഴുത്തിൽ മുറിവേൽപ്പിച്ചത്. നിലത്തുവീണ മാരേഷിന്റെ കഴുത്തിലേക്ക് കുനിഞ്ഞ് വിജയ് രക്തം കുടിക്കുകയും ചെയ്തു. മാരേഷിനെ വിജയ് അടിയ്ക്കുന്നതും ഇടിയ്ക്കുന്നതും ദൃക്സാക്ഷി പകർത്തിയ ദൃശ്യങ്ങളിലുണ്ട്.
ആക്രമണത്തിന്റെ ദൃശ്യങ്ങൾ സാമൂഹികമാധ്യമങ്ങളിൽ വ്യാപകമായി പ്രചരിച്ചതോടെയാണ് വിജയ് അറസ്റ്റിലായത്.
Discussion about this post