ന്യൂഡല്ഹി: വ്യാപകമായ പനിക്കും മറ്റ് വൈറല് രോഗങ്ങള്ക്കും കാരണമായ H3N2 ഇന്ഫ്ളുവെന്സ വൈറസ് ബാധിച്ച് രാജ്യത്ത് രണ്ടുമരണം. ഹരിയാണയിലും കര്ണാടകയിലുമാണ് മരണങ്ങള് റിപ്പോര്ട്ട് ചെയ്തത്. കേന്ദ്രആരോഗ്യമന്ത്രാലയമാണ് ഇതുസംബന്ധിച്ച വിവരങ്ങള് പങ്കുവെച്ചത്. എച്ച്3എന്2 വൈറസ് മൂലമുണ്ടായ ഇന്ഫ്ലുവന്സ ബാധിച്ചുള്ള മരണങ്ങള് രാജ്യത്ത് ആദ്യമായാണ് റിപ്പോര്ട്ട് ചെയ്യുന്നത്.
രാജ്യത്ത് നിലവില് H3N2 വൈറസ് ബാധിച്ച് 90 കേസുകളാണ് റിപ്പോര്ട്ട് ചെയ്തിരിക്കുന്നത്. അടിക്കടിയായി വരുന്ന പനിക്കും ചുമയ്ക്കും പിന്നില് ഇന്ഫ്ളുവന്സ Aയുടെ ഉപവിഭാഗമായ H3N2 വൈറസ് ആണെന്ന് കഴിഞ്ഞ ദിവസം ഇന്ത്യന് കൗണ്സില് ഓഫ് മെഡിക്കല് റിസര്ച്ച് (ഐ.സി.എം.ആര്) വ്യക്തമാക്കിയിരുന്നു.
ഇന്ഫ്ളുവന്സ കേസുകളില് വന് വര്ധനവാണ് കാണുന്നത്, പനി, ചുമ, ശരീരവേദന, മൂക്കൊലിപ്പ് തുടങ്ങിയ രോഗലക്ഷണങ്ങളാണ് പലര്ക്കുമുള്ളത്. അതേസമയം, ഇതിനുപുറമേ എട്ട് H1N1 ഇന്ഫ്ലുവെന്സ കേസുകളും റിപ്പോര്ട്ട് ചെയ്തിട്ടുണ്ട്.
Discussion about this post