ഫരീദാബാദ്: കൈക്കൂലി വാങ്ങിയ പണം വിഴുങ്ങി രക്ഷപ്പെടാന് ശ്രമിച്ച പോലീസുകാരന് വിജിലന്സിന്റെ പിടിയില്. ഹരിയാനയിലെ ഫരീദാബാദിലാണ് സംഭവം. സബ് ഇന്സ്പെക്ടറായ മഹേന്ദ്ര ഉല എന്ന പൊലീസുകാരനാണ് പിടിയിലായത്.
പോത്തുമോഷണക്കേസിലാണ് ഇയാള് കൈക്കൂലി വാങ്ങിയത്. പോത്തുമോഷണക്കേസുമായി ബന്ധപ്പെട്ട് പ്രതിയെ കസ്റ്റഡിയിലെടുക്കാന് ഇയാള് പോത്തിന്റെ ഉടമസ്ഥനായ ശുഭനാഥ് എന്നയാളില് നിന്നും 10000 രൂപ കൈക്കൂലി ആവശ്യപ്പെടുകയായിരുന്നു.
ഇതിനകം 6000 രൂപ കൈക്കൂലി നല്കിയ ഇയാള് ബാക്കി തുക നല്കുന്നതിന് മുമ്പ് വിജിലന്സിനെ വിവരം അറിയിക്കുകയായിരുന്നു. വിവരമറിഞ്ഞ് വിജിലന്സ് എത്തിയതോടെ ഇയാള് കൈക്കൂലി വാങ്ങിയ പണം വിഴുങ്ങി രക്ഷപ്പെടാന് ശ്രമിക്കുകയായിരുന്നു.
also read: കാറുമായി കൂട്ടിയിടിച്ച് ഓട്ടോ, പിന്നാലെ ബൈക്കും ഇടിച്ചുകയറി, വീട്ടമ്മയ്ക്ക് ദാരുണാന്ത്യം
ഇതിന്റെ വിഡിയോ സോഷ്യല്മീഡിയയില് വൈറലായിരുന്നു. വീഡിയോയില് പോലീസുകാരന്റെ വായില് കൈകടത്തി ഉദ്യോഗസ്ഥര് പണം എടുക്കാന് ശ്രമിക്കുന്നതുമുണ്ട്.
Discussion about this post