കാണ്ഡഹാര് : ഇന്ത്യന് ഫോട്ടോ ജേണലിസ്റ്റ് ഡാനിഷ് സിദ്ദീഖി അഫ്ഗാനിലെ കാണ്ഡഹാര് പ്രവിശ്യില് കൊല്ലപ്പെട്ടു. അഫ്ഗാന് സെക്യൂരിറ്റി ഉദ്യോഗസ്ഥര്ക്കൊപ്പം കാണ്ഡഹാറിലെ മേഖലയിലായിരുന്ന ഡാനിഷ് സംഘര്ഷം റിപ്പോര്ട്ട് ചെയ്യുന്നതിനിടെയാണ് കൊല്ലപ്പെട്ടത്.
വാര്ത്താ ഏജന്സിയായ റോയിട്ടേഴ്സിന്റെ ഫോട്ടോ ജേണലിസ്റ്റായ ഇദ്ദേഹത്തിന് റോഹിന്ഗ്യന് അഭയാര്ഥികളുടെ ദുരിതം പകര്ത്തിയതിന് 2018ല് പുലിസ്റ്റര് പുരസ്കാരം ലഭിച്ചിരുന്നു. അഫ്ഗാനിസ്ഥാനിലെ സ്പിന് ബോല്ഡാകില് നടന്ന ഏറ്റുമുട്ടലിലാണ് കൊല്ലപ്പെട്ടതെന്ന് അഫ്ഗാന് വാര്ത്താ ചാനലായ ടോളോ ന്യൂസ് റിപ്പോര്ട്ട് ചെയ്തു.
THREAD.
Afghan Special Forces, the elite fighters are on various frontlines across the country. I tagged along with these young men for some missions. Here is what happened in Kandahar today while they were on a rescue mission after spending the whole night on a combat mission. pic.twitter.com/HMTbOOtDqN— Danish Siddiqui (@dansiddiqui) July 13, 2021
താലിബാനെതിരെ ഒറ്റയ്ക്ക് പോരാട്ടം നയിച്ച അഫ്ഗാന് പോലീസ് ഓഫീസറെ രക്ഷിക്കാന് ശ്രമിക്കുന്ന അഫ്ഗാന് പ്രത്യേക സേനയുടെ ദൗത്യത്തെ കുറിച്ച് സിദ്ദീഖി റിപ്പോര്ട്ട് ചെയ്തിരുന്നു. അഫ്ഗാന് സേനയുടെ വാഹനങ്ങളെ താലിബാന് റോക്കറ്റുകള് ലക്ഷ്യം വയ്ക്കുന്നതിന്റെ ഗ്രാഫിക് ചിത്രങ്ങള് അടങ്ങിയ അദ്ദേഹത്തിന്റെ റിപ്പോര്ട്ട് മൂന്ന് ദിവസം മുമ്പാണ് പുറത്ത് വന്നത്.
2016-17 മൊസൂള് യുദ്ധം, 2015ലെ നേപ്പാള് ഭൂകമ്പം, രോഹിന്ഗ്യന് പ്രതിസന്ധി, ഡല്ഹിയിലെ പൗരത്വ ഭേദഗതി നിയമത്തിനെതിരായ പ്രതിഷേധം എന്നിവയുമായി ബന്ധപ്പെട്ട് സിദ്ദീഖി പകര്ത്തിയ ചിത്രങ്ങള് ഏറെ ശ്രദ്ധ നേടിയിരുന്നു. ഡല്ഹിയില് ശ്മശാനങ്ങളില് മൃതദേഹങ്ങള് കൂട്ടത്തോടെ കത്തിക്കുന്ന ഇദ്ദേഹത്തിന്റെ ഡ്രോണ് ചിത്രം ഏറെ ചര്ച്ചയായിരുന്നു.
Discussion about this post