ന്യൂഡല്ഹി: അഞ്ച് സംസ്ഥാനങ്ങളിലെ തെരഞ്ഞെടുപ്പില് ബിജെപി നേരിട്ട ദയനീയ പരാജയത്തില് പ്രതികരണവുമായി മോഡി. ജനവിധി താഴ്മയോടെ അംഗീകരിക്കുന്നുവെന്ന് മോഡി പറഞ്ഞു. വിജയം കൈവരിച്ച കോണ്ഗ്രസിനെ അഭിനന്ദിക്കുന്നു. വിജയവും പരാജയവും ജീവിതത്തിന്റെ ഭാഗമാണെന്നും അദ്ദേഹം ട്വിറ്ററില് കുറിച്ചു.
ഭാവിയില് ഞങ്ങള്ക്ക് തിരുത്താനും ഇതിലും ശക്തമായി ജനങ്ങള്ക്കിടയില് പ്രവര്ത്തിക്കാനും രാജ്യത്തിന്റെ വളര്ച്ചയ്ക്കായി പരിശ്രമിക്കാനുമുള്ള ഊര്ജമാണ് ഇന്നത്തെ ഫലമെന്ന് മോഡി പറഞ്ഞു.
പാര്ട്ടിക്കായി അഹോരാത്രം പ്രവര്ത്തിച്ചവരെ അഭിവാദ്യം ചെയ്യുന്നു. ജനങ്ങളെ സേവിക്കാന് അവസരം നല്കിയ ചത്തീസ്ഗഡിലെയും മധ്യപ്രദേശിലെയും രാജസ്ഥാനിലെയും ജനങ്ങള്ക്ക് ഞാന് നന്ദി അറിയിക്കുന്നു. ഈ സംസ്ഥാനങ്ങളിലെല്ലാം വിശ്രമമില്ലാതെ ബിജെപി ജനങ്ങളുടെ ക്ഷേമത്തിനായി പ്രവര്ത്തിച്ചിട്ടുണ്ടെന്നും നരേന്ദ്രമോദി ട്വിറ്ററില് അറിയിച്ചു.
Discussion about this post