ന്യൂഡൽഹി: കൊവിഡ് രോഗമുക്തി നേടിയശേഷം വീണ്ടും ആശുപത്രിയിൽ പ്രവേശിപ്പിക്കപ്പെട്ട കേന്ദ്ര ആഭ്യന്തരമന്ത്രി അമിത് ഷാ ആശുപത്രിവിട്ടു. ന്യൂഡൽഹിയിലെ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (എയിംസ്) ൽ തിങ്കളാഴ്ച രാത്രി പ്രവേശിപ്പിക്കപ്പെട്ട അദ്ദേഹം പരിശോധനകൾ പൂർത്തിയാക്കി വ്യാഴാഴ്ച രാത്രിയാണ് ആശുപത്രിവിട്ടത്.
ഓഗസ്റ്റ് രണ്ടിനാണ് അദ്ദേഹത്തെ ആദ്യം കൊവിഡ് ബാധിച്ച് മേദാന്ത ഹോസ്പിറ്റലിൽ പ്രവേശിപ്പിച്ചത്. രോഗമുക്തി നേടി അദ്ദേഹം ഓഗസ്റ്റ് 14 ന് ആശുപത്രിവിട്ടു. എന്നാൽ ഓഗസ്റ്റ് 17 ന് അദ്ദേഹത്തെ വീണ്ടും ആശുപത്രിയിൽ പ്രവേശിപ്പിച്ചു. കൊവിഡ് ഭേദമായതിനുശേഷമുള്ള ചികിത്സ പൂർത്തിയാക്കി ഓഗസ്റ്റ് 30 ന് ആശുപത്രിവിട്ടു.
അതേസമയം, ഡോക്ടർമാർ സമ്പൂർണ മെഡിക്കൽ ചെക്കപ്പ് നിർദ്ദേശിച്ചതിനെത്തുടർന്ന് സെപ്റ്റംബർ 12 ന് വീണ്ടും അദ്ദേഹത്തെ എയിംസ് ആശുപത്രിയിലെത്തിക്കുകയായിരുന്നു. പരിശോധനകൾ പൂർത്തിയാക്കിയാണ് ഇന്ന് ആശുപത്രിവിട്ടത്.
Discussion about this post