സബാന് ചൗക്ക്: അതിശൈത്യത്തില് വലഞ്ഞിരിക്കുകയാണ് ഉത്തരേന്ത്യ. ഹരിയാനയില് കനത്ത മൂടല്മഞ്ഞില് വാഹനങ്ങള് കൂട്ടിയടിച്ച് രണ്ട് പേര് മരിച്ചു. അപകടത്തില് പന്ത്രണ്ട് പേര്ക്ക് പരിക്കേല്ക്കുകയും ചെയ്തു. ഹരിയാനയിലെ സബാന് ചൗക്കിലാണ് അപകടം നടന്നത്.
ഡല്ഹി-ജയ്പൂര് ദേശീയപാതയിലൂടെ കടന്നുപോകുകയായിരുന്ന വാഹനങ്ങളാണ് അപകടത്തില്പ്പെട്ടത്. അതേസമയം അപകടത്തില് മരിച്ചവരെ ഇതുവരെ തിരിച്ചറിഞ്ഞിട്ടില്ല. മൃതദേഹങ്ങള് ബവാളിലെ മോര്ച്ചറിയില് സൂക്ഷിച്ചിരിക്കുകയാണ്. പരിക്കേറ്റവരെ ഉടന് തന്നെ സമീപത്തെ ആശുപത്രിയില് പ്രവേശിപ്പിച്ചിരിക്കുകയാണ്.
കനത്ത തണുപ്പിനെ തുടര്ന്ന് ഡല്ഹി, പഞ്ചാബ്, ഹരിയാന, ഉത്തര്പ്രദേശ് എന്നിവിടങ്ങളില് ഞായറാഴ്ച വരെ ഓറഞ്ച് അലേര്ട്ട് പ്രഖ്യാപിച്ചിരിക്കുകയാണ്.
Discussion about this post