ടുണീഷ്യ: തുനീഷ്യയിലെ മെഡിറ്ററേനിയന് കടലില് ബോട്ട് മുങ്ങി 65 മരണം. അഭയാര്ത്ഥികളുമായി സഞ്ചരിക്കുകയായിരുന്ന ബോട്ടാണ് കടലില് മുങ്ങിയത്. ഇതുവരെ നാല് പേരുടെ മൃതദേഹങ്ങളാണ് കണ്ടെടുത്തത്. ബാക്കിയുള്ളവരുടെ മൃതദേഹങ്ങള്ക്കായി തിരച്ചില് തുടരുകയാണെന്നും അധികൃതര് അറിയിച്ചു.
അഭയാര്ത്ഥികളും കുടിയേറ്റക്കാരടക്കം 70ലേറെയുള്ള സംഘം സംഞ്ചരിച്ച ബോട്ട് ആണ് അപകടത്തില്പ്പെട്ടത്. സ്ഫാക്സ് തീരത്തിന് 40 നോട്ടിക്കല് മൈല് അകലെവെച്ച് മുങ്ങുകയായിരുന്നുവെന്ന് തുനീഷ്യയിലെ ഔദ്യോഗിക വാര്ത്ത ഏജന്സിയായ ടിഎപി റിപ്പോര്ട്ട് ചെയ്തു.
മത്സ്യബന്ധന ബോട്ടിലുള്ളവരാണ് കുറച്ച് പേരെ രക്ഷിച്ചത്. മരിച്ചരില് ബംഗ്ലാദേശ്, മൊറോക്കോ പൗരന്മാരും ഉള്പ്പെട്ടിട്ടുണ്ടെന്ന് വാര്ത്ത ഏജന്സി റിപ്പോര്ട്ട് ചെയ്തു.
കഴിഞ്ഞ വര്ഷവും ബോട്ട് മുങ്ങി 14 പേര് മരിച്ചിരുന്നു. 2018ല് മെഡിറ്ററേനിയന് കടല് മുറിച്ചുകടക്കാനുള്ള ശ്രമത്തിനിടെ പ്രതിദിനം ശരാശരി ആറ് അഭയാര്ത്ഥികള് മരിച്ചെന്ന് യുഎന് റിപ്പോര്ട്ട് ചെയ്തിരുന്നു.
Discussion about this post