കല്പ്പറ്റ: താമരശ്ശേരി ചുരത്തിൽ വാഹന ഗതാഗത നിയന്ത്രണം. വളവുകള് വീതി കൂട്ടുന്നതിന്റെ ഭാഗമായി
മുറിച്ചിട്ട മരങ്ങള് ലോഡ് ചെയ്യുന്നതുമായി ബന്ധപ്പെട്ട് ആണ് നിയന്ത്രണങ്ങൾ ഏർപ്പെടുത്തിയിരിക്കുന്നത്.
ചുരത്തില് കോഴിക്കോട് ഭാഗത്തേക്ക് പോകുന്ന പൊതുഗതാഗതം ഒഴികെയുള്ള വാഹനങ്ങള് കുറ്റ്യാടി ചുരം വഴിയാണ് പോകേണ്ടത് എന്ന് അധികൃതർ അറിയിച്ചു.
പോലീസ് നടപ്പാക്കുന്ന ഗതാഗത നിയന്ത്രണ നടപടികളോട് യാത്രക്കാര് സഹകരിക്കണമെന്ന് ജില്ലാ പോലീസ് മേധാവി തപോഷ് ബസുമതാരി അറിയിച്ചു.
ബത്തേരി ഭാഗത്ത് നിന്ന് വരുന്ന വാഹനങ്ങള് പനമരം നാലാം മൈല് കൊറോം വഴിയും, മീനങ്ങാടി ഭാഗത്ത് നിന്ന് വരുന്നവ പച്ചിലക്കാട് പനമരം നാലാം മൈല് വഴിയും കല്പ്പറ്റ ഭാഗത്തു നിന്നുള്ളവര് പനമരം നാലാം മൈല് വഴിയും വൈത്തിരി ഭാഗത്ത് നിന്ന് വരുന്നവര് പടിഞ്ഞാറത്തറ വെള്ളമുണ്ട വഴിയും പോകേണ്ടതാണ്.
വടുവന്ചാല് ഭാഗത്ത് കോഴിക്കോട് ഭാഗത്തേക്ക് പോകുന്നവര് നാടുകാണി ചുരം വഴി യാത്ര ചെയ്യാന് ശ്രദ്ധിക്കണം. വെള്ളിയാഴ്ച മുതല് നാല് ദിവസത്തേക്ക് മള്ട്ടി ആക്സില് വാഹനങ്ങള്ക്ക് നിയന്ത്രണം ഉണ്ടായിരിക്കും.
Discussion about this post