തിരുവനന്തപുരം: കഴിഞ്ഞ ദിവസമാണ് എസ്എസ്എല്സി പരീക്ഷാഫലം പ്രഖ്യാപിച്ചത്. പരീക്ഷയില് യോഗ്യത നേടിയ എല്ലാ വിദ്യാര്ഥികള്ക്കും ഉപരിപഠന സാധ്യത ഉറപ്പാക്കുമെന്ന് പൊതുവിദ്യാഭ്യാസവും തൊഴിലും വകുപ്പ് മന്ത്രി വി. ശിവന്കുട്ടി പറഞ്ഞു.
പ്ലസ് വണ് പ്രവേശനത്തിനായുള്ള അപേക്ഷകള് 2025 മേയ് 14 മുതല് ഓണ്ലൈനായി സമര്പ്പിക്കാം. അപേക്ഷ ഓണ്ലൈനായി സമര്പ്പിക്കാനുള്ള അവസാന തീയതി മേയ് 20 ആണ്.
അപേക്ഷകര്ക്ക് സ്വന്തമായോ അല്ലെങ്കില് പത്താം തരം പഠിച്ചിരുന്ന ഹൈസ്കൂളിലെ കമ്പ്യൂട്ടര് ലാബ് സൗകര്യവും അധ്യാപകരുടെ സഹായവും അതുപോലെ തന്നെ ആ പ്രദേശത്തെ സര്ക്കാര്/എയ്ഡഡ് ഹയര്സെക്കന്ഡറി
സ്കൂളുകളിലെ കമ്പ്യൂട്ടര് ലാബ് സൗകര്യവും അധ്യാപകരുടെ സഹായവും പ്രയോജനപ്പെടുത്തി പ്ലസ് വണ് പ്രവേശനത്തിനുള്ള അപേക്ഷകള് ഓണ്ലൈനായി സമര്പ്പിക്കാം.
Discussion about this post