തിരുവനന്തപുരം: വൻവിവാദമായ ശബരിമല സ്വർണക്കൊള്ള കേസിൽ ഡി മണിക്ക് പങ്കില്ലെന്ന് പ്രത്യേക അന്വേഷണ സംഘത്തിന്റെ റിപ്പോര്ട്ട്. പ്രവാസി വ്യവസായിയുമായുള്ള ബന്ധം തെളിയിക്കാൻ കഴിഞ്ഞില്ലെന്ന് ഹൈക്കോടതിയിൽ സമര്പ്പിച്ച റിപ്പോർട്ടിൽ പറയുന്നു.
മണി തിരുവനന്തപുരത്ത് വന്നത് വ്യക്തിപരമായ കാര്യത്തിനാണെന്നും ഇതിൽ ദുരൂഹതയില്ലെന്നും എസ്ഐടി റിപ്പോര്ട്ടിൽ പറയുന്നു. കേസിൽ മുൻ ദേവസ്വം സെക്രട്ടറി ജയശ്രീയെ എസ്ഐടി ചോദ്യം ചെയ്യുകയാണ്. കോടതി നിര്ദേശ പ്രകാരമാണ് ഇന്ന് ജയശ്രീ ഹാജരായത്.
അതേ സമയം, ശബരിമല സ്വർണക്കൊള്ള കേസിലെ രണ്ട് പ്രതികളുടെ ജാമ്യാപേക്ഷ ഹൈക്കോടതി ഇന്ന് വീണ്ടും പരിഗണിക്കും. തിരുവിതാംകൂർ ദേവസ്വം ബോർഡ് മുൻ പ്രസിഡൻ്റ് എ.പത്മകുമാർ, സ്വർണ്ണവ്യാപാരി ഗോവർദ്ധൻ എന്നിവരുടെ ജാമ്യാപേക്ഷകളിലാണ് ജസ്റ്റിസ് എ.ബദറുദ്ദിൻ വാദം കേൾക്കുക.
Discussion about this post