തിരുവനന്തപുരം: വാഹനാപകടത്തിൽ യുവാക്കൾക്ക് ദാരുണാന്ത്യം. തിരുവനന്തപുരത്താണ് സംഭവം. വിഴിഞ്ഞം കോട്ടപ്പുറം സ്വദേശികളായ ഷാരോണ് (19), ടിനോ (20) എന്നിവരാണ് മരിച്ചത്.
സ്കൂട്ടർ നിയന്ത്രണംവിട്ടു മറിഞ്ഞാണ് അപകടമുണ്ടായത്. ഇന്ന് പുലര്ച്ചെ 1.30നാണ് സംഭവം. സ്കൂട്ടറിന് പിന്നിലുണ്ടായിരുന്ന സുഹൃത്ത് അന്സാരിയെ (19) പരുക്കുകളോടെ ആശുപത്രിയില് പ്രവേശിപ്പിച്ചു.
ഓടുകൂടി കുമരിച്ചന്തയ്ക്ക് സമീപമായിരുന്നു അപകടം. വിഴിഞ്ഞം ഭാഗത്തുനിന്നും പൂന്തുറയിലെ പള്ളിയിൽ ഗാനമേള കാണാൻ വന്നതായിരുന്നു മൂന്ന് യുവാക്കളും. പുതുക്കാട് മണ്ഡപത്തിനു സമീപത്തെത്തിയപ്പോള് സ്കൂട്ടർ റോഡരികില് കൂട്ടിയിട്ടിരുന്ന മണ്ണില് ഇടിച്ചുകയറി മറിയുകയായിരുന്നെന്ന് പൊലീസ് പറഞ്ഞു.
പൊലീസും നാട്ടുകാരും ചേര്ന്ന് മൂന്നുപേരെയും മെഡിക്കല് കോളെജ് ആശുപത്രിയില് എത്തിച്ചെങ്കിലും ഇരുവരുടെയും ജീവൻരക്ഷിക്കാനായില്ല. അപകടത്തിൽ പൂന്തുറ പൊലീസ് കേസെടുത്തു.
Discussion about this post