ശിവമൊഗ്ഗ: ഭക്ഷണം എടുത്ത് നൽകാതെ ഫോണിൽ നോക്കിയിരുന്ന ഭാര്യയെ കഴുത്ത് ഞെരിച്ച് കൊലപ്പെടുത്തി യുവാവ്. ഷിമോഗ ജില്ലയിലെ ശികാരിപുര താലൂക്കിലെ അംബ്ലിഗോളയിലാണ് സംഭവം.
28കാരിയായ ഗൌരമ്മ ആണ് കൊല്ലപ്പെട്ടത്.ഇന്നലെ വൈകീട്ടാണ് സംഭവം.ടെക്സ്റ്റൈൽസ് ജീവനക്കാരിയാണ് ഗൌരമ്മാ. ഇവരുടെ ഭർത്താവ് മനു വീട്ടിലെത്തിയ സമയത്ത് ഗോരമ്മ ഫോണിൽ നോക്കിയിരിക്കുകയായിരുന്നു.
ഭക്ഷണം വിളമ്പിത്തരാൻ യുവാവ് ആവശ്യപ്പെട്ടപ്പോൾ വിളമ്പി കഴിക്കാൻ ആവശ്യപ്പെട്ട ശേഷം യുവതി ഫോണിൽ സംസാരിക്കുന്നത് തുടരുകയായിരുന്നു. ഇതിൽ ക്ഷുഭിതനായി മനു ഭാര്യയെ കഴുത്ത് ഞെരിച്ച് കൊലപ്പെടുത്തുകയായിരുന്നു.
തോർത്ത് ഉപയോഗിച്ചായിരുന്നു കൊലപാതകം.ശേഷം യുവതിയുടെ പിതാവിനെ വിളിച്ച് നിങ്ങളുടെ മകൾ മരിച്ചെന്നും യുവാവ് വിശദമാക്കി. ഇതിന് പിന്നാലെ യുവതിയുടെ പിതാവിന്റെ പരാതിയിൽ ഇയാളെ പൊലീസ് അറസ്റ്റ് ചെയ്തു.
Discussion about this post