പത്മഭൂഷണ് അവാര്ഡ് നേടിയ മലയാളികളുടെ പ്രിയതാരം മോഹന്ലാലിന് അഭിനന്ദനങ്ങള് അറിയിച്ച് മെഗാ സ്റ്റാര് മമ്മൂട്ടി. താരത്തിന്റെ ഫേസ്ബുക്ക് പേജിലൂടെയാണ് ലാലിന് ആശംസയര്പ്പിച്ചിരിക്കുന്നത്. ‘പത്മഭൂഷണ് പുരസ്കാരം ലഭിച്ച പ്രിയ ലാലിന് അഭിനന്ദനങ്ങള്’ എന്നാണ് മമ്മൂട്ടി ഫേസ്ബുക്കില് കുറിച്ചത്.
നിത്യ ഹരിത നായകന് പ്രേം നസീറിന് ശേഷം പത്മഭൂഷണ് ലഭിച്ച മലയാളി താരമാണ് മോഹന്ലാല്. പടയോട്ടം എന്ന ചിത്രത്തിലൂടെയാണ് മമ്മൂട്ടി-മോഹന്ലാല് കൂട്ടുകെട്ടിന് തുടക്കമായത്. അങ്ങാടിക്കപ്പുറത്ത്, അവിടത്തെപ്പോലെ ഇവിടെയും, നമ്പര് 20 മദ്രാസ് മെയില്, വാര്ത്ത, ഹരികൃഷ്ണന്സ്, ട്വന്റി ട്വന്റി എന്നീ ചിത്രങ്ങളൊക്കെ ഇരുവരും ഒന്നിച്ച ഹിറ്റ് ചിത്രങ്ങളായിരുന്നു.
Discussion about this post