തിരുവനന്തപുരം: 2018 സിനിമയുടെ തിരക്കഥാകൃത്ത് അഖില് പി ധര്മജന് പാമ്പുകടിയേറ്റ് ചികിത്സയില്. കഴിഞ്ഞ ദിവസം രാത്രിയില് തിരുവനന്തപുരത്ത് വെച്ചാണ് അഖിലിന് പാമ്പുകടിയേറ്റത്.
തലസ്ഥാന നഗരിയില് പെയ്ത കനത്ത മഴയിലാണ് സംഭവമുണ്ടായത്. പുതിയ ചിത്രത്തിന്റെ തിരക്കഥയുമായി ബന്ധപ്പെട്ട എഴുത്തിന് വെള്ളായനിയില് എത്തിയതായിരുന്നു അഖില്.
കനത്ത മഴയില് അഖില് താമസിച്ചിരുന്ന ഇടം ഒന്നാകെ വെള്ളത്തില് മുങ്ങി. തുടര്ന്നാണ് പാമ്പ് കടിയേറ്റത്. തന്റെ അവസ്ഥ വിവരിച്ച് അഖില് ഒരു ഫേസ്ബുക്ക് പോസ്റ്റ് പങ്കുവെച്ചിരുന്നു.
‘വെള്ളം കയറിയ വീഡിയോ കണ്ടിട്ട് ഒരുപാട് പ്രിയപ്പെട്ടവരുടെ കോളുകള് തുടരെത്തുടരെ വരുന്നുണ്ട്. ഇടിവെട്ട് കിട്ടിയ ആളെ പാമ്പ് കടിച്ച പോലെ രാവിലെ വെള്ളായണിയില് വച്ച് എന്നെ ഒരു പാമ്പ് കൂടി കടിച്ചു.ഇപ്പോള് തിരുവനന്തപുരത്തുള്ള ഒരു ഹോസ്പിറ്റലില് ഒബ്സര്വേഷനില് ആണ്’ അഖില് ഫേസ്ബുക്കില് കുറിച്ചു.
also read: സംസ്ഥാനത്ത് ഇന്നും ശക്തമായ മഴ: തിരുവനന്തപുരം ജില്ലയില് വിദ്യാഭ്യാസ സ്ഥാപനങ്ങള്ക്ക് അവധി
”കോളുകള് എടുക്കാത്തതില് ഭയപ്പെടേണ്ട. വെള്ളക്കെട്ടില് പാമ്പ് കടി കിട്ടിയതല്ലാതെ വേറെ കുഴപ്പം ഒന്നൂല്ല. നിലവില് മറ്റ് കുഴപ്പങ്ങള് ഒന്നുമില്ല. ആരോഗ്യത്തോടെ മടങ്ങിയെത്താം’.- അഖില് പി ധര്മജന് ഫേസ്ബുക്കില് കുറിച്ചു.
Discussion about this post