വിനായകന് നായകനാകുന്ന ഏറ്റവും പുതിയ ചിത്രം ‘തൊട്ടപ്പന്’ -ന്റെ ഫസ്റ്റ് ലുക്ക് പോസ്റ്റര് പുറത്തിറങ്ങി. പ്രേക്ഷക പ്രീതിയും നിരൂപണ പ്രശംസയും ഒരേ സമയം നേടിയ കിസ്മത്ത് എന്ന ചിത്രത്തിന് ശേഷം ഷാനവാസ് ബാവക്കുട്ടി ഒരുക്കുന്ന രണ്ടാമത്തെ ചിത്രമാണ് തൊട്ടപ്പന്.
ലീല സന്തോഷിന്റെ കരിന്തണ്ടന് എന്ന ചിത്രത്തിന് ശേഷം വിനായകന് മുഴുനീള കഥാപാത്രത്തെ അവതരിപ്പിക്കുന്ന ചിത്രം എന്ന പ്രത്യേകത കൂടിയുണ്ട് തൊട്ടപ്പന്.
മലയാളത്തിലെ പുതുതലമുറ എഴുത്തുകാരില് ശ്രദ്ധേയനായ ഫ്രാന്സിസ് നൊറോണയുടെ തൊട്ടപ്പന് എന്ന ചെറുകഥയെ ആസ്പദമാക്കിയാണ് ചിത്രം ഒരുക്കിയിരിക്കുന്നത്. അച്ഛന് മകള് ബന്ധത്തിന്റെ തീവ്രതയാകും വൈകാരികമായി തന്നെ ചിത്രം പറയുകയെന്ന് സംവിധായകന് ഷാനവാസ് കെ ബാവക്കുട്ടി പറയുന്നു. തൊട്ടപ്പന് മകളെ വളര്ത്തിയതും, മകളെ സ്വാധീനിച്ചതും, സ്നേഹിച്ചതുമെല്ലാം ചിത്രത്തില് അതേ വൈകാരികതയോടെ തന്നെ കാണാന് സാധിക്കുമെന്ന് ഷാനവാസ് പറയുന്നു.
ചിത്രത്തില് വിനായകന്റെ നായികയായി എത്തുന്നത് പുതുമുഖം പ്രിയംവദയാണ് നായിക. റോഷന് മാത്യു, ലാല്, മനോജ് കെ. ജയന്, ദിലീഷ് പോത്തന്, രഘുനാഥ് പലേരി, സുനില് സുഖദ, ബിനോയ് നമ്പാല എന്നിവരാണ് ചിത്രത്തിലെ മറ്റ് അഭിനേതാക്കള്. പിഎസ് റഫീഖിന്റേതാണ് തിരക്കഥ.
ചിത്രത്തിന് സംഗീതസംവിധാനം നിര്വ്വഹിക്കുന്നത് ലീല എല് ഗിരികുട്ടനും വിനായകനും ചേര്ന്നാണ്. ഗാനരചന അന്വര് അലി, അജീഷ് ദാസന്, പി.എസ് റഫീഖും നിര്വ്വഹിച്ചിരിക്കുന്നു. പട്ടം സിനിമാ കമ്പനിയുടെ ബാനറില് ദേവദാസ് കാടഞ്ചേരിയും ഷൈലജ മണികണ്ഠനും ചേര്ന്നാണ് ചിത്രം നിര്മ്മിക്കുന്നത്.
Discussion about this post