സിദ്ദിഖ്-ലാല് കൂട്ടുക്കെട്ടില് 1990ല് തീയ്യേറ്ററുകളിലെത്തിയ സൂപ്പര് ഹിറ്റ് ചിത്രമാണ് ‘ഇന് ഹരിഹര് നഗര്’. വര്ഷം ഇത്രയേറെ ആയെങ്കിലും ചിത്രത്തിലെ ഓരോ കഥാപാത്രങ്ങളും പ്രേക്ഷകര്ക്ക് പ്രിയപ്പെട്ടവയാണ്. പ്രേക്ഷകരെ ഇന്നും പൊട്ടിച്ചിരിപ്പിക്കുന്ന ചിത്രം കൂടിയാണിത്. ഇപ്പോള് സോഷ്യല് വൈറലായിരിക്കുന്നത് ചിത്രത്തിലെ ഒരു മീം ആണ്. ചിത്രത്തിലെ ശ്രദ്ധേയമായ ഒരു മീമിലെ കഥാപാത്രങ്ങളുടെ ‘കുട്ടിക്കാല’ മീമാണ് ഇപ്പോള് വൈറലായിരിക്കുന്നത്.
‘ആരാണ് ഇത് ഒരുക്കിയതെന്ന് അറിയില്ല. ബ്രില്യന്റ് ആയ ഈ ചിന്തയ്ക്ക് എന്റെ അഭിനന്ദനങ്ങള്’ എന്നാണ് മീം പങ്കുവെച്ച് കൊണ്ട് സിദ്ദിഖ് കുറിച്ചത്. ‘ബാല്യകാല സ്മരണകള്’ എന്ന അടികുറിപ്പോടെയാണ് മുകേഷ് ഈ മീം പങ്കുവെച്ചിരിക്കുന്നത്.
ചിത്രത്തില് മുകേഷ്, സിദ്ദിഖ്, ജഗദീഷ്, അശോകന് എന്നിവര് അവതരിപ്പിച്ച മഹാദേവന്, ഗോവിന്ദന് കുട്ടി, അപ്പുക്കുട്ടന്, തോമസ് കുട്ടി എന്നീ കഥാപാത്രങ്ങള് കവിയൂര് പൊന്നമ്മ അവതരിപ്പിച്ച കഥാപാത്രത്തെ പരിചയപ്പെടുമ്പോഴുള്ള രംഗമാണ് മീമിലുള്ളത്.
Discussion about this post