ബോളിവുഡിലെ പഴയകാല താരം പര്വീണ് ബാബിയുടെ കഥ വെള്ളിത്തിരയിലേക്ക്. നടി അമലാ പോള് ആണ് പര്വീണ് ബാബിയുടെ വേഷത്തില് എത്തുന്നത്. സംവിധായകന് മഹേഷ് ഭട്ടിനൊപ്പമാണ് അമലാ പോളിന്റെ ബോളിവുഡ് അരങ്ങേറ്റം.
‘ഞാന് ബോളിവുഡില് ഒരു പ്രൊജക്ട് സൈന് ചെയ്തു. ഇതുവരെയുള്ളതില് വെച്ച് ഞാന് ഏറ്റവും പ്രതീക്ഷയോടെ നോക്കികാണുന്ന ഒന്നാണിത്. ചിത്രീകരണം ഉടന് ആരംഭിക്കും’ എന്നാണ് ഈ ചിത്രത്തെ കുറിച്ച് അമലാ പോള് വ്യക്തമാക്കിയത്.
അതേസമയം പര്വീണ് ബാബിയുടെ കഥ സിനിമയാണോ വെബ് സിരീസാണോ എന്ന കാര്യത്തില് ഔദ്യോഗിക പ്രഖ്യാപനം വന്നിട്ടില്ല. ഇത് വെബ് സീരീസ് ആയിരിക്കുമെന്നാണ് റിപ്പോര്ട്ട്. ബോളിവുഡ് കണ്ട ഏറ്റവും വലിയ ഗ്ലാമര് താരങ്ങളില് ഒരാളായിരുന്നു പര്വീണ് ബാബി. ഒന്നരദശകം ബോളിവുഡ് അടക്കിവാണ താരം കൂടിയാണിവര്. ബിഗ് ബി, ശശി കപൂര്, ജിതേന്ദ്ര, മിഥുന് ചക്രവര്ത്തി എന്നിവരുടെ നായികയായി നിരവധി ചിത്രങ്ങളില് ഇവര് അഭിനയിച്ചിട്ടുണ്ട്. 2005 ജനുവരി 22ന് സ്വന്തം വസതിയില് മരിച്ച നിലയില് ഇവരെ കണ്ടെത്തുകയായിരുന്നു.
Discussion about this post