മലയാളക്കരയെ ചിരിപ്പിച്ച പ്രിയതാരം വീണ്ടും നവരസങ്ങളുമായി കാമറയ്ക്ക് മുന്നില് എത്തിയിരിക്കുകയാണ്. സിനിമയില് അല്ല എന്ന വ്യത്യാസം മാത്രം. ജഗതി ശ്രീകുമാറിന്റെ എക്കാലത്തെയും ഹിറ്റ് കഥാപാത്രങ്ങളില് ഒന്നാണ് ഉദയനാണ് താരത്തിലെ’പച്ചാളം ഭാസി’ എന്ന കഥാപാത്രം. കഥാപാത്രം അവതരിപ്പിക്കുന്ന നവരസങ്ങളാണ് പ്രേക്ഷകര്ക്കായി വീണ്ടും അവതരിപ്പിച്ചിരിക്കുന്നത്.
നവ്യാ നായര് തന്റെ ഇന്സ്റ്റഗ്രാമിലൂടെയാണ് വീഡിയോ പങ്കുവെച്ചിരിക്കുന്നത്. ജഗതിയുടെ കൂടെ നവ്യയും വീഡിയോയില് ഉണ്ട്. ദിവസങ്ങള്ക്കു മുമ്പ് ജഗതിശ്രീകുമാര് പാടുന്ന വീഡിയോ നവ്യാനായര് ഇന്സ്റ്റഗ്രാം അക്കൗണ്ടിലൂടെ പങ്കുവെച്ചിരുന്നു.
2012 മാര്ച്ച് 10 ന് ദേശീയ പാതയില് മലപ്പുറം ജില്ലയിലെ തേഞ്ഞിപ്പാലത്തിനടുത്തുള്ള പാണാമ്പ്രവളവില് വെച്ചുണ്ടായ വാഹനാപകടത്തില് ജഗതി ശ്രീകുമാറിന് ഗുരുതരമായ പരിക്കു പറ്റിയിരുന്നു. ഒരു വര്ഷത്തോളം ആശുപത്രിയില് ചികിത്സയിലായിരുന്ന അദ്ദേഹത്തിന് ഇപ്പോഴും പൂര്ണാരോഗ്യം വീണ്ടെടുക്കാനായിട്ടില്ല. എന്നിരുന്നാലും പ്രിയതാരത്തിന്റെ ചലച്ചിത്രലോകത്തേക്കുളള മടങ്ങിവരവ് കാത്തിരിക്കുകയാണ് ആരാധകര്
Discussion about this post