കമല് സംവിധാനം ചെയ്ത ‘നമ്മള്’ എന്ന ചിത്രത്തിലെ പരിമളം എന്ന കഥാപാത്രമായി വന്ന് നമ്മുടെ ഹൃദയത്തില് ചേക്കേറിയ താരമാണ് ഭാവന. താരത്തിന്റെ ജന്മദിനമാണ് ഇന്ന്. പിറന്നാള് ദിനത്തില് ഭാവനയ്ക്ക് ആശംസകള് നേര്ന്നിരിക്കുകയാണ് മഞ്ജു വാര്യര്. ഫേസ്ബുക്കിലൂടെയാണ് മഞ്ജു ഭാവനയ്ക്ക് പിറന്നാള് ആശംസകള് നേര്ന്നത്.
‘നിന്നെ എനിക്ക് എത്ര ഇഷ്ടമാണെന്ന് നിനക്കറിയാമെന്ന് എനിക്കറിയാം എന്ന് നിനക്കറിയാം എന്ന് എനിക്കറിയാം’ എന്ന് കുറിപ്പാണ് മഞ്ജു ഫേസ്ബുക്കില് കുറിച്ചത്. ഇരുവരും ഒരുമിച്ചുള്ള മനോഹര ചിത്രവും താരം പങ്കുവെച്ചിട്ടുണ്ട്. മഞ്ജു വാര്യരുടെ പോസ്റ്റിന് താഴെ നിരവധി ആരാധകരും താരത്തിന് പിറന്നാള് ആശംസകള് നേര്ന്ന് രംഗത്ത് എത്തിയിട്ടുണ്ട്.
കന്നട നിര്മ്മാതാവ് നവീനിനെ വിവാഹം ചെയ്തതിന് ശേഷം സിനിമയില് നിന്ന് ചെറിയ ഇടവേള എടുത്ത താരം വീണ്ടും തിരിച്ചെത്തിയിരിക്കുകയാണ്. തിരിച്ചു വരവ് പക്ഷേ കന്നട ചിത്രത്തിലൂടെയാണ് എന്ന് മാത്രം.സൂപ്പര് ഹിറ്റ് ചിത്രം 96 ന്റെ കന്നട റിമേക്കായ 99 ലൂടെയാണ് ഭാവനയുടെ തിരിച്ചുവരവ്. മെയ് ഒന്നിന് റിലീസ് ചെയ്ത ചിത്രത്തിന് മികച്ച പ്രതികരണമാണ് ലഭിച്ചത്.
Discussion about this post