ചെറിയ ഇടവേളയ്ക്ക് ശേഷം സംവിധായകന് സിദ്ദിഖും മോഹന്ലാലും ഒന്നിക്കുന്ന ചിത്രമാണ് ‘ബിഗ് ബ്രദര്’.ചിത്രത്തില് മോഹന്ലാലിന്റെ നായികയായി എത്തുന്നത് തെന്നിന്ത്യന് സുന്ദരി റെജിന കസാന്ഡ്ര ആണ്. താരത്തിന്റെ ആദ്യ മലയാള ചിത്രമാണ്. 2005-ല് പുറത്തിറങ്ങിയ ‘കണ്ട നാള് മുതല്’ എന്ന തമിഴ് ചിത്രത്തിലൂടെയാണ് റെജിന സിനിമ ലോകത്തേക്ക് ചുവടുവയ്ക്കുന്നത്.
ലേഡീസ് ആന്ഡ് ജെന്റില്മാന് എന്ന ചിത്രത്തിന് ശേഷം മോഹന്ലാലും സിദ്ദിഖും വീണ്ടും ഒന്നിക്കുന്ന ചിത്രം കൂടിയാണ് ബിഗ് ബ്രദര്. സിദ്ദിഖ് തന്നെയാണ് ചിത്രത്തിന്റെ രചനയും സംവിധാനവും. ചിത്രത്തില് മോഹന്ലാലിന്റെ സഹോദരനായി വേഷമിടുന്നത് ആസിഫ് അലിയാണെന്ന സ്ഥിരീകരിക്കാത്ത റിപ്പോര്ട്ടും ഉണ്ട്.
ബിഗ് ബ്രദറില് സച്ചിദാനന്ദന് എന്ന കഥാപാത്രത്തെ ആണ് മോഹന്ലാല് അവതരിപ്പിക്കുന്നത്. ബംഗളൂരു, മംഗലാപുരം എന്നിവടങ്ങളിലായി 90 ദിവസത്തെ ഷൂട്ടിംഗ് ആണ് ചിത്രത്തിനായുള്ളത്.
Discussion about this post