വെള്ളറട: നമ്മുടെ നാട്ടില് ഈ ഇടയായി നിരവധി പ്രതിഭാസങ്ങള് നടക്കുന്നത് ശ്രദ്ധയില് പെടാറുണ്ട്. അത്തരത്തില് കണ്ണു തള്ളുന്ന ‘പ്രതിഭാസ’മാണ് കഴിഞ്ഞ ദിവസം ഉണ്ടായത്.
ഫെബ്രുവരി 15ന് ആറാട്ടുകുഴിയിലെ പൊതുവിതരണകേന്ദ്രത്തില് നിന്നും വാങ്ങിയ 5 കിലോ അരി കുതിരാനിട്ടപ്പോള് നിറംമാറി. കൂതാളി വെട്ടുകുറ്റി നിതില് ഭവനില് എഎസ് രമയ്ക്കാണ് അനുഭവം ഉണ്ടായത്. പച്ചരിയാണ് വെള്ളത്തില് കുതിര്ന്നപ്പോള് നിറംമാറി ദുര്ഗന്ധം വമിച്ചത്. പലഹാരമുണ്ടാക്കുന്നതിന് വേണ്ടി മില്ലില് കൊടുത്തു പൊടിക്കാന് കഴിഞ്ഞ ദിവസം കുറച്ച് അരി വെള്ളത്തില് കുതിരാനിട്ടു. കുതിര്ന്ന അരി വെള്ളം പോകാനായി മാറ്റിവെച്ചു. തുടര്ന്നാണ് നിറം മാറിത്തുടങ്ങിയത്.
തുടര്ന്ന് സംഭവം വെള്ളറട സാമൂഹികാരോഗ്യ കേന്ദ്രത്തിലറിയിച്ചു. ആശുപത്രി അധികൃതര് പരിശോനയ്ക്കായി അരി ഭക്ഷ്യവകുപ്പിനെ ഏല്പ്പിച്ചു. എന്നാല് ഇത്തരത്തില് ഇതുവരെ പരാതി ഉണ്ടായിട്ടില്ലെന്ന് റേഷന് വ്യപാരി അറിയിച്ചു.
Discussion about this post