ന്യൂഡല്ഹി: കേന്ദ്ര സര്ക്കാര് കൊണ്ടുവന്ന മുന്നോക്ക വിഭാഗത്തിലെ പിന്നോക്കക്കാര്ക്കുള്ള സാമ്പത്തിക സംവരണം സംബന്ധിച്ച കേസില് കേന്ദ്ര സര്ക്കാരിന് സുപ്രീം കോടതിയുടെ നോട്ടീസ്. യൂത്ത് ഫോര് ഇക്വാലിറ്റി നല്കിയ ഹര്ജിയിലാണ് നടപടി. ചീഫ് ജസ്റ്റിസ് രഞ്ജന് ഗൊഗോയി അധ്യക്ഷനായ കോടതിയാണ് കേസ് പരിഗണിച്ചത്.
എന്നാല് കേന്ദ്ര സര്ക്കാരിന്റെ നടപടി ഭരണഘടനാവിരുദ്ധമാണെന്നും സര്ക്കാര് തീരുമാനം റദ്ദാക്കണമെന്നും ഹര്ജിയില് ആവശ്യപ്പെട്ടിരുന്നു. സംവരണം ഘട്ടംഘട്ടമായി അവസാനിപ്പിക്കാനുള്ള നടപടികള്ക്ക് സര്ക്കാരിന് നിര്ദ്ദേശം നല്കണമെന്നും ഹര്ജി ആവശ്യപ്പെടുന്നു.
അമ്പത് ശതമാനത്തിലധികം സംവരണം നല്കരുതെന്ന് സുപ്രീംകോടതി വിധിച്ചു. വാര്ഷിക വരുമാനം എട്ട് ലക്ഷത്തിന് താഴെ ഉള്ളവര്ക്ക് സംവരണത്തിന് യോഗ്യത നല്കുന്നതാണ് സാമ്പത്തിക സംവരണ ബില്. ഏറെ കാലമായി ആര്എസ്എസ് ഉള്പ്പടെയുള്ള സംഘടനകള് ആവശ്യപ്പെട്ടിരുന്നതാണ് സാമ്പത്തിക സംവരണം. എന്നാല് ഇത് പത്ത് ശതമാനം കൂടി ഉയര്ത്തി അറുപത് ശതമാനമാക്കുകയാണ് കേന്ദ്രസര്ക്കാര് ചെയ്തിരിക്കുന്നത്. പുതിയ ഭരണഘടനാ ഭേദഗതി സുപ്രീംകോടതി വിധിക്കെതിരാണെന്നാണ് ഹര്ജിക്കാരുടെ വാധം.
Discussion about this post