തിരുവനന്തപുരം: രാഹുല് മാങ്കൂട്ടത്തില് എംഎല്എക്കെതിരെ ഗുരുതര ആരോപണങ്ങൾ ഉയർന്ന സാഹചര്യത്തിൽ കേരള സ്കൂള് ശാസ്ത്രോത്സവത്തിന്റെ സംഘാടക സമിതി രൂപീകരണ യോഗത്തില്നിന്ന് രാഹുലിനെ ഒഴിവാക്കി.
വിദ്യാഭ്യാസ മന്ത്രി വി.ശിവന്കുട്ടി തന്നെയാണ് ഇതുസംബന്ധിച്ച് ബന്ധപ്പെട്ടവര്ക്ക് നിര്ദേശം നല്കിയത്. നവംബര് 7 മുതല് പാലക്കാട്ട് നടക്കുന്ന ശാസ്ത്രോല്സവത്തിന്റെ സംഘാടക സമിതി രൂപീകരിക്കാനായി തിങ്കളാഴ്ച പാലക്കാട് ജില്ലാ പഞ്ചായത്ത് ഹാളില് ചേരാനിരിക്കുന്ന യോഗത്തില് രാഹുല് മാങ്കൂട്ടത്തില് അധ്യക്ഷന് ആയിരുന്നു.
യോഗത്തിന്റെ സുഗമമായ നടത്തിപ്പിന് മുന്ഗണന നല്കുന്നതിനാല് രാഹുല് പങ്കെടുക്കാതെ മാറി നില്ക്കുമെന്ന് പ്രതീക്ഷിക്കുന്നതായാണ് മന്ത്രി അറിയിച്ചിരിക്കുന്നത്.
തദ്ദേശമന്ത്രി എംബി.രാജേഷാണ് പരിപാടിയുടെ ഉദ്ഘാടകന്. വിദ്യാഭ്യാസവകുപ്പ് ഇതു സംബന്ധിച്ച് ക്ഷണക്കത്ത് പുറത്തിറക്കുകയും ചെയ്തിരുന്നു. ഇതിനിടെയാണ് രാഹുലില്നിന്ന് ദുരനുഭവം ഉണ്ടായെന്നു ചൂണ്ടിക്കാട്ടി യുവനടി ഉള്പ്പെടെ ആരോപണങ്ങളുമായി രംഗത്തെത്തിയത്. തുടർന്നാണ് നടപടി.
Discussion about this post