കാലിഫോര്ണിയ: ഇന്ത്യന് വ്യോമസേന ഗ്രൂപ്പ് ക്യാപ്റ്റന് ശുഭാംശു ശുക്ല ബഹിരാകാശ ദൗത്യം പൂർത്തിയാക്കി ഭൂമിയില് മടങ്ങിയെത്തി. ശുഭാംശു അടക്കമുള്ള നാല് ബഹിരാകാശ യാത്രികരെ വഹിച്ചുകൊണ്ടുള്ള ആക്സിയം 4 ദൗത്യത്തിലെ ക്രൂ ഡ്രാഗണ് ഗ്രേസ് പേടകം ഭൂമി തൊട്ടു.
കാലിഫോര്ണിയ തീരത്താണ് പേടകം വിജയകരമായി ഇറങ്ങിയത്. ശുഭാംശുവിന് പുറമെ മുതിർന്ന അമേരിക്കൻ ആസ്ട്രനോട്ട് പെഗ്ഗി വിറ്റ്സൺ, പോളണ്ട് സ്വദേശി സ്ലാവോസ് ഉസ്നാൻസ്കി, ഹംഗറിയിൽ നിന്നുള്ള ടിബോർ കാപു എന്നിവരാണ് പേടകത്തിലുണ്ടായിരുന്നത്.
അന്താരാഷ്ട്ര ബഹിരാകാശ നിലയത്തിൽ ലക്ഷ്യമിട്ട 60 പരീക്ഷണങ്ങളും പൂർത്തിയാക്കാൻ ആക്സിയം 4 സംഘത്തിന് കഴിഞ്ഞു. കേരളത്തില് നിന്ന് കൊണ്ടുപോയ ആറ് വിത്തിനങ്ങളുടെ പരീക്ഷണമടക്കം നിരവധി ഗവേഷണങ്ങള് ഐഎസ്എസില് ശുഭാംശു ശുക്ലയുടെ മേല്നോട്ടത്തില് നടന്നു.
ഡ്രാഗണ് പേടകം വീണ്ടെടുത്ത് സ്പേസ് എക്സിന്റെ എംവി ഷാനോൺ കപ്പല് കരയ്ക്കെത്തിക്കും.
Discussion about this post