മൂന്നാർ:മൂന്നാറിൽ വീണ്ടും പടയപ്പയിറങ്ങി. ദേവികുളം ലോക്ക് ഹാർട് മേഖലയിൽ ആണ് പടയപ്പ ഇറങ്ങിയത്. സച്ചു എന്നയാളുടെ വീട് ആന ഭാഗികമായി തകർത്തു.
ലോക്ക് ഹാർട് എസ്റ്റേറ്റ് ലയത്തിന് സമീപം കഴിഞ്ഞ ദിവസം രാത്രി ഒൻപതോടെയാണ് പടയപ്പ എത്തിയത്. ലയത്തിന്റെ മുൻഭാഗത്തെ വേലിയും ആനയുടെ ആക്രമണത്തിൽ തകർന്നു.
സച്ചുവിന്റെ വീട് തകർത്തത് കൂടാതെ വഴിയോര കച്ചവട കേന്ദ്രവും കഴിഞ്ഞ ദിവസം ആന തകർത്തിരുന്നു.പടയപ്പ കഴിഞ്ഞ ദിവസങ്ങളിലായി നിരവധി തവണ വാഹനങ്ങൾ തടയുകയും ആക്രമണം നടത്തുകയും ചെയ്തിരുന്നു.
മദപാടിൽ ആയതു കൊണ്ട് തന്നെ പടയപ്പ കൂടുതൽ ആക്രമണകാരിയാണ്. അതിനാൽ ഭീതിയിലായിരിക്കുകയാണ് നാട്ടുകാരും വഴിയോരക്കച്ചവടക്കാരും.
Discussion about this post