ആലപ്പുഴ: സിപിഎം ആലപ്പുഴ ജില്ലാ സെക്രട്ടറിയായി ആര് നാസര് തുടരും. എംഎല്എമാരായ യു പ്രതിഭ, എംഎസ് അരുണ്കുമാര് എന്നിവരെ ജില്ലാ കമ്മിറ്റിയില് ഉള്പ്പെടുത്തിയിട്ടുണ്ട്. പ്രതിഭ അടക്കം നാലുപേരാണ് ജില്ലാക്കമ്മിറ്റിയില് പുതുതായി ഇടംനേടിയത്.
മൂന്നാം തവണയാണ് നാസര് ജില്ലാ സെക്രട്ടറിയാകുന്നത്. കായംകുളം എംഎല്എ യു പ്രതിഭ, മാവേലിക്കര എംഎല്എ എം എസ് അരുണ്കുമാര്, ആലപ്പുഴ ഏരിയ സെക്രട്ടറി അജയ് സുരേന്ദ്രന്, മാരാരിക്കുളം ഏരിയ സെക്രട്ടറി സി രഘുനാഥ് എന്നിവരാണ് പുതുതായി ജില്ലാ കമ്മിറ്റിയിലെത്തിയത്.
അതേസമയം, കഴിഞ്ഞ ജില്ലാക്കമ്മിറ്റിയിലുണ്ടായിരുന്ന അഞ്ചുപേരെ ഒഴിവാക്കിയിട്ടുമുണ്ട്.എം സുരേന്ദ്രന്, ജി വേണുഗോപാല്, എന് ശിവദാസന്, പി അരവിന്ദാക്ഷന്, ജലജ ചന്ദ്രന് എന്നിവരെയാണ് ജില്ലാ കമ്മിറ്റിയില് നിന്ന് ഒഴിവാക്കിയത്. 46 അംഗ ജില്ലാ കമ്മിറ്റിയെയാണ് ജില്ലാ സമ്മേളനം തെരഞ്ഞെടുത്തത്.
Discussion about this post