ന്യൂഡല്ഹി: മഹാരാഷ്ട്രയിലെ സിന്ധുദുര്ഗ് കോട്ടയില് ഛത്രപതി ശിവാജിയുടെ പ്രതിമ തകര്ന്നുവീണ സംഭവത്തില് മാപ്പ് അഭ്യര്ത്ഥിച്ച് പ്രധാനമന്ത്രി നരേന്ദ്ര മോഡി. മറാഠാ വികാരത്തിന് മുറിവേറ്റതില് ഖേദിക്കുന്നു. സംഭവത്തില് താന് തലകുനിച്ച് മാപ്പ് തേടുന്നുവെന്നും പ്രധാനമന്ത്രി പറഞ്ഞു. മഹാരാഷ്ട്രയിലെ പാല്ഘറില് വാഡ് വന് തുറമുഖ പദ്ധതിയുടെ ശിലാസ്ഥാപന ചടങ്ങിലാണ് പ്രധാനമന്ത്രിയുടെ മാപ്പപേക്ഷ. മോഡി മാപ്പ് പറയണമെന്ന് ആവശ്യപ്പെട്ട് കോണ്ഗ്രസ് പ്രതിഷേധിച്ചിരുന്നു.
സംഭവത്തില് രണ്ട് പേരുടെ അറസ്റ്റ് രേഖപെടുത്തിയിട്ടുണ്ട്. പ്രതിമയുടെ സ്ട്രക്ടച്ചറല് കണ്സള്ട്ടന്റ്റ് ചേതന് പാട്ടീല്, പ്രതിമയുടെ നിര്മ്മാണ കരാര് എടുത്തിരുന്നയാള് എന്നിവരാണ് അറസ്റ്റിലായത്. പ്രതിമ നിര്മാണത്തില് വീഴ്ച ചൂണ്ടിക്കാട്ടി നരഹത്യാ കുറ്റം അടക്കം ചുമത്തിയാണ് ഇരുവര്ക്കുമെതിരെ കേസെടുത്തിരിക്കുന്നത്.
Discussion about this post